भुसावळ :  येथील डॉक्टर केळकर दाम्पत्याच्या हार्मोनिका वादनाची पंतप्रधान नरेंद्र मोदी यांनी मन की बात कार्यक्रमात दखल घेतली  आहे. आपणही सध्याच्या कठिण प्रसंगात एखादा छंद आत्मसात करावा. संगीतातुन मोठा आनंद मिळतो असे मोदी म्हणाले.

नक्‍की वाचा - स्पेशल रिपोर्ट : "त्या' कोरोनाग्रस्तचा हजारो किलोमीटरचा प्रवास झोप उडवणारा!

भुसावळचे सर्जन डॉ. आशुतोष केळकर व त्यांच्या पत्नी स्त्री रोग तज्ज्ञ डॉ. सुजाता केळकर यांचा हार्मोनिका वादनाचा छंद सर्वांच्या परिचयाचा आहे. दोघांनीही हार्मोनिका वर म्हंटलेली गाणी ते सोशल मिडिया वर शेअर करतात. तर देशभरात होणाऱ्या हार्मोनिका वादनाच्या स्पर्धेतही ते मोठ्या उत्साहात सहभागी होतात. स्वत:च्या हृदयाची बायपास झाल्या नंतर फुफ्फुसाचा व्यायाम करण्यासाठी ते हार्मोनिका शिकले. पुढे त्याचे छंदात रुपांतर झाले. यात पत्नीचीही छान साथ मिळते. सध्या ते दोघेजण कोरोना व्हायरस संदर्भातील जनजागृतीसाठी आपल्या छंदाचा वापर करीत आहे. मोदी यांनी मन की बात कार्यक्रमात केळकर दाम्पत्याचा उल्लेख करुन ते म्हणाले संगिता मुळे आनंद व जुन्या आठवणींना उजाळा मिळतो.शिवाय अश्या कठिण प्रसंगी स्वत:ला स्वत:शी   तसेच कुटूंबाशी जोडण्याची संधी मिळते.

 
कठिण परिस्थीतीसाठी दोन लाख
कोरोनाच्या पाश्र्वभूमीवर निर्माण झालेल्या परिस्थितीत मदत म्हणून केळकर परिवारातर्फे दोन लाख रुपये देण्याचे डॉ. आशुतोष केळकर यांनी घोषित केले असुन ही रक्कम नेमकी कुठे वापरायला द्यायची याचा निर्णय ते येत्या दोन दिवसात घेणार आहेत.