भुसावळ : तालुक्यातील कुऱ्हे (पानाचे) येथे बैलांना पाणी पाजण्यासाठी लघु पाटबंधारे प्रकल्पाच्या किनारी उभी असलेली गाडी बैल बैलांनी प्रकल्पात ओढत नेल्यामुळे एका बैलाचा मृत्यू झाला. तर सुदैवाने शेतकऱ्यांसह महिलेचा जीव वाचला.

हेपण पहा - भोंदूबाबाचा प्रताप...पूजेसाठी बोलावले...मग केली अश्‍लिल व्हिडीओ क्‍लिप !

कुऱ्हे (पानाचे)  येथील शेतकरी समाधान कालु पाटील हे खंडाळा रोडवरून शेतातून घरी येत असताना दुपारी दोन वाजेच्या सुमारास लघु पाटबंधारे प्रकल्प वर बैलांना पाणी पाजण्यासाठी गाडी थांबवली.  गाडीला जुंपलेले बैल सोडत असताना बैलांनी अचानक पाण्याकडे ओढ घेतली. त्यामुळे बैलगाडी सरळ प्रकल्पात गेली. यावेळी  बैलगाडीवर एक महिला बसलेली होती . महिलेने आरडाओरड केली.  शेजारील शेतात  उपस्थित असलेले  डॉ. रमाकांत पाटील , बाजीराव पाटील यांच्यासह अन्य शेतकऱ्यांनी  घटनास्थळी धाव  घेतली . व महिलेचे प्राण वाचवण्यात यश मिळवले . मात्र या घटनेत एका बैलाचा मृत्यू झाला. 

क्‍लिक करा - अतिवृष्टीबाबत अनुदानाचा घोळ सुरूच

गावात बैलगाडी प्रकल्पात गेल्याचे माहिती समजतात ग्रामस्थांनी घटनास्थळी धाव घेतली . मात्र तोपर्यंत  बैलाचा मृत्यू झाला होता . दरम्यान, मृत बैलाचा पंचनामा करण्यात आला . यावेळी सरपंच रामलाल बडगुजर , ग्रामपंचायत  माजी सदस्य सुभाष पाटील , कोतवाल प्रकाश आहिर , पशुवैद्यकीय डॉ. संदीप टोंगळे यांच्यासह ग्रामस्थ मोठ्या संख्येने उपस्थित होते.