भुसावळ : साकेगाव (ता. भुसावळ) येथील दूध विक्री करणाऱ्या तरुणाच्या डोक्यावर रॉडने वार करून दिवसाढवळ्या खून झाल्याची घटना शहरातील कोळीवाड्यात सायंकाळी पाच वाजेच्या सुमारास सुमारास घडली. या घटनेमुळे शहरात एकच खळबळ उडाली आहे.
तालुक्यातील साकेगाव येथील दूध विक्रेता नासिर बशीर पटेल वय 40 हा दूध विक्रीसाठी भुसावळ शहरातील जुना सातारा भागातील कोळीवाड्यात आला असता, एका युवकाने नसीर पटेल यांच्या डोक्यामध्ये रॉडने वार केला. यामुळें नसीर जागेवरच गतप्राण झाला. खुनाचे नेमके कारण अजून कळू शकले नाही, घटनेची माहिती मिळताच उपविभागीय पोलिस अधिकारी गजानन राठोड, बाजार पेठ पोलिस ठाण्याचे पोलिस निरीक्षक दिलीप भागवत ,वाहतूक शाखेचे सहाय्यक पोलीस निरीक्षक सतिश सुरडकर, यांच्यासह नगरसेवक गिरीश महाजन, सतीश सपकाळे, युवराज पाटील हे घटनास्थळी उपस्थित झाले.
एक तास मृत्यू देह जागेवरच
घटना घडल्यापासून तब्बल तासभर रुग्णवाहिका न आल्यामुळे मृत्यूदेह घटनास्थळी एक तासापासून पडून होता. एका तासानंतर मृत्यूदेह शवविच्छेदनासाठी हलविण्यात आला. नसीर याच्या पश्चात वडील, भाऊ, बहीण, पत्नी, दोन मुले, दोन मुली असा परिवार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.