धुळे : प्रेम व लग्नाचे आमीष दाखवून कुसुंबा (ता.धुळे) येथील सोळा वर्षीय युवतीवर एकाने लैंगीक अत्याचार केला. त्यातून युवती गर्भवती झाली असून संशयिताविरूध्द तालुका पोलिस ठाण्यात गुन्हा दाखल झाला. 

हेपण पहा - पंगतीची तयारी सुरू असताना हुंडा मागून मोडले लग्न

गावातीलच परिचयातील अल्पवयीन मुलीशी मैत्रीचा हात पुढे केला. यानंतर तिला हळूहळू मैत्रीच्या जाळ्यात ओढून तुझ्याशी लग्न करतो म्हणून सांगत शारीरीक संबंध केले. यात मुलगी गर्भवती राहिली आहे. राहूल नथ्थू कोळी (वय 22, रा.विद्यावर्धिनी महाविद्यालयासमोर, साक्री रोड, धुळे) असे संशयिताचे नाव आहे. परीचय असलेली कुसुंबा येथील युवतीस (वय 15 वर्षे दहा महिने) याने प्रेमाचे आमीष दाखविले. त्यानंतर लग्न करण्याचेही आमीष दाखवून पिडीतेवर लैंगीक अत्याचार केला.

नक्‍की पहा - न बोलताच जुळली मनं...दिव्यांग मुलीला बनविले जीवनसाथी 

ऑक्‍टोंबरपासून संबंध 

नेर येथील हॉटेल अशोक येथे नेऊन युवतीशी शरीर संबंध प्रस्थापित केले. त्यातून ती युवती गर्भवती राहीली. ऑक्‍टोबर 2019 ते 23 फेब्रुवारी दरम्यान प्रकार घडली. घडलेल्या प्रकाराबाबत पिडीतेने आईला सांगीतले. आईच्या मदतीने पिडीतेने तालुका पोलिस ठाण्यात काल रात्री उशिरा फिर्याद दिली. त्यानुसार संशयित राहूल कोळी याच्याविरूध्द लैंगीक अत्याचाराचा गुन्हा दाखल झाला. महिला पोलिस अधिकारी सारीका कोडापे यांनी पिडीतेच्या आईची इन कॅमेरा फिर्याद घेतली. पिडीतेची श्री भाऊसाहेब हिरे शासकीय वैद्यकीय महाविद्यालयात वैद्यकीय तपासणी केली. दरम्यान संशयित राहूल कोळी पसार झाला. पोलिस निरीक्षक दिलीप गांगुर्डे यांच्या मार्गदर्शनाखाली तपास सुरू आहे.