तोंडापूर (ता. जामनेर) ः गतवर्षी चाळीसगाव तालुक्‍यात बिबट्याने चांगलाच हैदोस घातला होता. बिबट्याच्या हल्ल्यात अनेक मुक्‍या प्राण्यासह नागरीकांना देखील प्राण गमवावे लागले होते. तर अनेकजण जखमी झाले होते. अनेक दिवस नागरीकांमध्ये भितीचे वातावरण होते. तिच भिती पुन्हा तोंडापूर परिसरातील नागरीकांमध्ये आली आहे. कारण बिबट्याने एका गाईवर हल्ला करत मारल्याची घटना आज सकाळी घडली आहे. 

संबंधीत बातम्या > सावधान तो आसपासच आहे... 

तोंडापूर शिवारात शेतात बांधलेल्या सहा गाईंपैकी एका दोन वर्ष वयाच्या गाईचा सकाळी बिबाट्याने फडशा पाडला. त्यामूळे शेतकरी व मजुरवर्गात भितीचे वातावरण निर्माण झाले आहे. तोंडापूर परिसराला लागून अजिंठा डोंगररांग असल्याने या परिसरात वन्यप्राण्यांचा अधिवास आहे. तोंडापूर येथील शेतकरी ईश्वर विठ्ठल सपकाळे यांच्या भारुडखेडा रस्त्यावर असलेल्या शेतात गट नंबर 177 मध्ये नेहमीप्रमाणे बोरीच्या झाडाखाली जनावरे बांधलेली होती. मात्र बिबट्याने सकाळी अचानक गाईवर हल्ला चढवुन मानीचा व पोटाचाभागाचा लचका तोडला. गळ्याच्या भागाला पंजाच्या नखानेही ओरबडले असल्याने गायीचा यात मृत्यू झाल्याने शेतकऱ्यांचे मोठे नुकसान झाले. सध्या शेतात कापुस वेचणी चालु असुन मजुरांमधे बिबट्याच्या हल्यामुळे घबराट निर्माण झाली आहे. आधीच कापूस वेचणीसाठी मजुरही मिळत नसल्याचे बोलले जात आहे. वनविभाग कडून जनजागृती करण्यात यावी अशी मागणी होत आहे 

नक्‍की पहा > Video दहा कोटींचा "शान' 

वर्षभरापुर्वी हरणाची शिकार 
तोंडापूर परिसरातील याच शिवारात साधारण वर्षभरापुवी ईश्‍वर सपकाळे यांच्याच शेतात बिबट्याने हरणाची शिकार केली होती. तर त्याच परिसरात काही बकऱ्या व एक हरणीचा बिबट्याने हल्ला चढऊन ठार केले होते. यावेळी वन विभागाचे कर्मचारी घटनास्थळी दाखल होऊन रितसर पंचनामा करण्यात आला. यावेळी शेतकऱ्यांनी आपली गुरे रात्रीच्या वेळेस गावात नेऊन बांधावी, एकट्याने शेतात जाणे टाळावे, बिबट्या शिकारीच्या शोधात पुन्हा त्याच ठिकाणी येऊ शकतो. याची सर्वानी काळजी घ्यावी. तसेच वन्यप्राण्याला कोणतीही इजा पोहोचली जावु नये; आशा सुचना वनपाल गणेश खंडारे, समाधान धनवट, कर्मचारी शब्बीरी यांनी केले.