Dhule News : नागपूरच्या हिवाळी अधिवेशनातील पुरवणी अर्थसंकल्पात पाठपुराव्याअंती धुळे शहर मतदारसंघातील विविध विकासकामांसाठी १०३ कोटी रुपयांचा भरीव निधी मंजूर झाल्याची माहिती आमदार फारूक शाह यांनी दिली.(MLA Farooq Shah statement of 103 crore for dhule city dhule news )

मंजूर कामे अशी ः

जिल्हा स्टेडियम ते वलवाडीपर्यंत रस्ता दुभाजकासह चौपदरीकरण आठ कोटी, भीमनगर ते निखिल सिमेंट एजन्सीपर्यंत रस्ता सुधारणा- साडेसहा कोटी, साक्री रोड एसआरपीएफ पंप ते सुरत बायपास रस्ता- साडेसात कोटी, चितोड नाका ते बायपास रोडपर्यंत १२ कोटी.

एसएसव्हीपीएस महाविद्यालय ते हायवेपर्यंत बिलाडी रोड- पाच कोटी, उर्वरित वडजाई रोड काँक्रिटीकरण व दुभाजक, पथदीप- पाच कोटी, आग्रा रोड ते वडजाईपर्यंत रस्ता- साडेतीन कोटी, हिरे शासकीय वैद्यकीय महाविद्यालयात ग्रंथालय इमारत, धोबी घाट, मुख्य इमारत व शवविच्छेदन इमारत.

पाच लाख लिटर क्षमतेची पाण्याची टाकी बांधणे- १५ कोटी ३० लाख, जुने सिव्हिल येथे शंभर खाटांच्या स्त्री व बालरुग्णालयाची दुरुस्ती करणे- नऊ कोटी ६४ लाख, धुळे शहरात आदिवासी मुलांचे वसतिगृह बांधणे- १३ कोटी ७५ लाख.