नवापूर, विसरवाडी (जि. नंदुरबार) : तालुक्यात अनेक दिवसांपासून ढगाळ हवामान आहे. गेल्या काही दिवसांपासून वातावरणात मोठे बदल दिसून येत असून थंडीची लहर ये-जा करीत आहे. काल-परवा थंडी थोडी कमी झाली तर रविवारी (ता. २९) काही भागांत पावसाने अचानक हजेरी लावली.

वातावरणात ऊन-सावलीचा खेळ सुरू होता. सकाळपासूनच ढगाळ हवामान होते. दुपारनंतर नवापूर तालुक्यातील विसरवाडी, खांडबारा, धायटा परिसरात अवकाळी मुसळधार पावसाने विविध ठिकाणी हजेरी लावली. ( Nandurbar news Unseasonal rain in Nawapur)

हेही वाचा :....इथं बनतो आपला लाडका तिरंगा

अचानक आलेल्या या अवकाळी पावसाने नागरिकांची तारांबळ उडाली. शेतकऱ्यांनीही चिंता व्यक्त केली आहे. रब्बी हंगामातील पिके तसेच उघड्यावर असलेला शेतमाल व चाऱ्याचे नुकसान होण्याची भीती शेतकऱ्यांकडून व्यक्त केली जात आहे.

पावसामुळे नागरिकांची धावपळ उडाली. दुपारी तीनच्या सुमारास सुरवात झाली. शेतात चारा, उभे पीक, काढलेले पीक असल्याने त्याची आवराआवर करणे शक्य झाले नाही. शेतात दुपारच्या वेळेस बहुतांश महिला असतात, पुरुष मंडळी कामानिमित्त बाजारपेठेच्या गावाला गेलेली असल्याने मदत मिळू शकली नाही.

शेतात किंवा घरी वयोवृद्ध मंडळी असल्याने घराच्या छपरावर, खळ्यात टाकलेल्या आणि शेतातील मालाची आवरसावर करणे अवघड गेल्याने शेतकरी चिंतातुर झाला आहे