नाशिक : निर्यातीसाठी "ऍपेडा'तर्फे उपलब्ध करून देण्यात आलेल्या ऑनलाइन प्रणाली त डाळिंबाच्या एक हजार 441 आणि आंब्याच्या 42 हजार 477 बागांची नोंदणी झाली आहे. डाळिंब नोंदणीत एक हजार 271 बागा महाराष्ट्रातील असून, आंब्याच्या सर्वाधिक 16 हजार 529 बागा तेलंगणामधील आहेत. कर्नाटकमधील दहा हजार 495 आणि महाराष्ट्रातील सात हजार 984 बागांचा नोंदणीमध्ये समावेश आहे.

कर्नाटक आणि राजस्थानमधील प्रत्येक एका बागेची नोंदणी

डाळिंब नोंदणीत महाराष्ट्राने अव्वलस्थान कायम राखले आहे. त्यात औरंगाबाद, जालना, नाशिक, पुणे, सांगली, सातारा, सोलापूर, वर्धा जिल्ह्यातील बागा आहेत. याखेरीज आंध्र प्रदेशातील 44, गुजरातमधील 124, कर्नाटक आणि राजस्थानमधील प्रत्येक एका बागेची नोंदणी झाली आहे. प्रणालीत नोंदविलेल्या आंबाबागांची संख्या राज्यनिहाय पुढीलप्रमाणे - आंध्र प्रदेश - चार हजार 439, गुजरात - दोन हजार 188, केरळ - 113, तमिळनाडू -159, उत्तर प्रदेश - 570 लिंबूवर्गीय फळांच्या नोंदणीला सुरवात झाल्याने महाराष्ट्रातील 45 बागा निर्यातीसाठी नोंदणी झाल्या आहेत. 

हेही वाचा > लासलगाव जळीतकांड प्रकरण : 'ती'ला दिला अखेरचा निरोप!

भेंडी, हिरव्या मिरचीची निर्यात
 
भाजीपाल्यामध्ये भेंडी आणि हिरव्या मिरचीच्या निर्यातीत शेतकऱ्यांनी मोठ्या प्रमाणात रस दाखविला आहे. भेंडीच्या निर्यातीसाठी महाराष्ट्रातील 339, गुजरात मधील 16, कर्नाटकमधील 12, उत्तर प्रदेशातील नऊ शेतकऱ्यांनी ऑनलाइन नोंद केली. हिरव्या मिरचीचे महाराष्ट्रातील 65, उत्तर प्रदेशातील 93, पश्‍चिम बंगालमधील नऊ असे 167 शेतकरी सहभागी झाले आहेत.

हेही वाचा > ...अन् चक्क पाच टन द्राक्षे फेकावी लागणार?...द्राक्ष हंगामापुढे पेच 

ऑनलाइन नोंदणीची संख्या (भाजीपाला उत्पादक शेतकरी) 

कारले -----------   महाराष्ट्र 2, उत्तर प्रदेश- 20 
दुधी भोपळा -----  महाराष्ट्र 3, उत्तर प्रदेश- 32 
शेवगा ------------  महाराष्ट्र- 1 
वांगी -------------  महाराष्ट्र- 22, उत्तर प्रदेश- 26 
सोयाबीन --------  महाराष्ट्र- 3 
चवळीच्या शेंगा -- उत्तर प्रदेश- 14 
बटाटा ------------- उत्तर प्रदेश- 45  

हेही वाचा > अटल आरोग्य वाहिनी योजनेमुळे कळवणमधील 'या' विद्यार्थिनीचा पुनर्जन्म!