नरकोळ (जि. नाशिक) : केरसाणे (ता. बागलाण) येथे वीज पडून (lightning strike) दोन बैल ठार (Bulls death) झाले. त्यामुळे शेतकऱ्याचे लाखो रूपयांचे नुकसान झाले आहे. (2 oxen killed in lightning strike in Kersane Nashik News)

केरसाणे शिवारातील मुंगसे रोडवरील शोभा जिभाऊ पवार या आदिवासी महिलेच्या (Tribal Women) शेतातील घराजवळ बांधलेल्या बैलजोडीवर सायंकाळी साडेचारच्या सुमारास वीज पडून दोन बैल ठार झाले. यात पवार यांचे अंदाजे एक लाख पंधरा हजारांचे नुकसान झाले. दोन वर्षापूर्वी शेतीकामासाठी त्यांनी बैलजोडी घेतली होती. अचानक नुकसान झाल्याने त्यांना ऐन पेरणीच्या वेळी मोठी अडचण निर्माण झाली. तलाठी आदिश कापडणीस, कोतवाल कैलास गांगुर्डे, विरगावचे पशुवैद्यकीय अधिकारी डॉ. साळवे यांनी पंचनामा केला.

या वेळी लक्ष्मण मोरे, ग्रामपंचायत सदस्या संगीता पवार, ग्रामपंचायत कर्मचारी भाऊसाहेब खरे, शरद अहिरे, ग्रामस्थ सुरेश माळीस, राजेंद्र माळीस, राजाराम आनंदा अहिरे, दीपक अहिरे, अभिमन माळी, भिका अहिरे, विठ्ठल माळीस, भास्कर माळीस यांच्यासह ग्रामस्थ उपस्थित होते.