नाशिक : जिल्ह्यात नव्याने आढळणाऱ्या कोरोना बाधितांचे प्रमाण नाशिक शहरी भागात अधिक असल्याचे गेल्या काही दिवसांच्या आकडेवारीतून स्पष्ट होते. सोमवारी (ता.९) दिवसभरात २४० कोरोना बाधित आढळले. तर २४० रूग्णांनी कोरोनावर मात केली असून सहा रूग्णांचा मृत्यू झाला. यातून ॲक्टीव्ह रूग्ण संख्येत सहाने घट झाली असून, सद्य स्थितीत २ हजार ८०१ बाधितांवर जिल्ह्यात उपचार सुरू आहेत.
नाशिक शहरातील सर्वाधिक १३५ बाधित
सोमवारी आढळलेल्या कोरोना बाधितांमध्ये नाशिक शहरातील सर्वाधिक १३५, तर नाशिक ग्रामीणचे ९१, मालेगावचे तीन तर जिल्हाबाह्य नऊ कोरोना बाधित आढळले. कोरोनामुक्त झालेल्यांमध्ये नाशिक शहरातील २०५, नाशिक ग्रामीणचे ११, मालेगावचे २२ तर जिल्हाबाह्य दोन रूग्णांनी कोरोनावर मात केली आहे. सहा मृतांमध्ये दोन नाशिक ग्रामीणचे रूग्ण असून, मालेगाव महापालिका हद्दीतील दोन, नाशिक महापालिका हद्दीतील एक तर जिल्हाबाह्य एका रूग्णाचा उपचारादरम्यान मृत्यू झाला आहे. जिल्ह्यात आतापर्यंत ९५ हजार ७४४ बाधित आढळले असून, यापैकी ९१ हजार २३६ रूग्णांनी कोरोनावर मात केली आहे. आतापर्यंत १ हजार ७०७ रूग्णांचा बळी कोरोनामुळे गेला आहे.
दिवसभरात नाशिक महापालिका रूग्णालये व गृहविलगीकरणात ५४६, नाशिक ग्रामीण रूग्णालये व गृहविलगीकरणात ८१, मालेगाव महापालिका रूग्णालये व गृहविलगीकरणात ८, डॉ. वसंत पवार वैद्यकीय महाविद्यालयात चार तर जिल्हा रूग्णालयात तीन रूग्ण दाखल झाले आहेत. सायंकाळी उशीरापर्यंत ५६७ रूग्णांचे अहवाल प्रलंबित होते. यापैकी २६९ नाशिक ग्रामीण तर २२७ नाशिक शहरातील रूग्णांचे अहवाल प्रलंबित आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.