burglary esakal
नाशिक

Nashik Crime News : दोन दिवसात 8 घरफोड्यांचे गुन्हे दाखल!

सकाळ वृत्तसेवा

नाशिक : शहरात गेल्या दोन दिवसात घरफोडीचे आठ गुन्हे दाखल झाले आहेत. वाढत्या चोऱ्या-घरफोड्यांमुळे नागरिकांमध्ये भितीचे वातावरण आहे. रोहित संजय दिघे (रा. शिवनेरी नेस्ट, औरंगाबाद रोड) यांच्या फिर्यादीनुसार, अज्ञात चोरट्याने सोमवारी (ता.१९) चावीने दरवाजाचे कुलूप उघडून घरात प्रवेश केला आणि घरातील कपाटातील ४५ हजार रुपयांचे सोन्याची चैन व १५ हजार रुपयांची सोन्याचे डोरले असा ६० हजार रुपयांचा मुद्देमाल चोरून नेला. याप्रकरणी आडगाव पोलिसात घरफोडीचा गुन्हा दाखल झाला आहे. (8 burglary cases registered in two days Nashik Crime News)

दुसरी घरफोडी इंदिरानगरमध्ये घडली. अभिजित गोविंद तेलंग (रा. योगेश्वर धाम अपार्टमेंट, इंदिरानगर) यांच्या फिर्यादीनुसार, सोमवारी (ता. १९) दुपारी बंद घरातून चोरट्यांनी घरातून १ लाख ६६ हजारांचे सोन्या-चांदीचे दागिने चोरून नेले. याप्रकरणी इंदिरानगर पोलिसात घरफोडीचा गुन्हा दाखल झाला आहे.

तिसरी घटना सातपूर औद्योगिक वसाहतीत घडली. सागर सतीश आंबेकर (रा. वृंदावन बंगला, विधातेनगर, पंचवटी) यांच्या फिर्यादीनुसार, श्रीदत्त इंडस्ट्रीज या कंपनीच्या संरक्षण भिंतीवरून तिघा चोरट्यांनी कंपनीत प्रवेश केला आणि ७२ हजारांच्या लोखंडी प्लेट चोरून नेल्या. याप्रकरणी सातपूर पोलिसात चोरीचा गुन्हा दाखल करण्यात आला आहे.

हेही वाचा : असं एक गाव, जिथं जमिनीला कान लावला तरी संगीत ऐकू येतं...

दागिन्यांवर नोकरानेच मारला डल्ला

गंगापूर रोड परिसरातील दातेनगरमध्ये नोकरानेच घरातील साडेचार लाख रुपयांचे दागिने चोरून नेल्याचे उघडकीस आले आहे. याप्रकरणी संशयित नोकर सनी शंकर गरड (२३, रा. आनंदवल्ली) यास अटक केली आहे.

स्तुती रचित जुनेजा (रा. दातेनगर) यांच्या फिर्यादीनुसार, त्यांच्या बंगल्यात संशयित सनी गरड व त्याची पत्नी कामाला होते. संशयित सनी याने १६ नोव्हेंबर ते ९ डिसेंबर या दरम्यान घरातील कपाटातून ४ लाख ५३ हजार रुपयांचा दागिने चोरून नेले. याप्रकरणी गंगापूर पोलिसात गुन्हा दाखल करण्यात आला असून, उपनिरीक्षक संजय भिसे हे तपास करीत आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

UP Election: उत्तर प्रदेशात काँग्रेसला हव्यात १०० हून अधिक जागा, नाराज अखिलेश किती जागा देणार?

Trump Modi Quad meeting: कणखर व्यक्तिमत्व! क्वाड नेत्यांच्या बैठकीत ट्रम्प यांच्याकडून पंतप्रधान मोदींचं कौतुक

FDA अधिकारी बनून पानटपरीवर धाड, बोगस अधिकाऱ्यांचा पर्दाफाश, ६ जणांना अटक; २.६६ लाखांची रोकड जप्त

Dhoni Retirement: "तू आमचा थाला अन् कर्णधार नेहमीसाठीच राहशील...", ऋतुराज गायकवाडची धोनीसाठी भावूक पोस्ट

१३ वर्षांचा वनवास संपला! नागपुरात रंगणार महाराष्ट्र केसरीचा महासंग्राम; १३०० मल्ल दाखवणार कुस्तीचा दम, 'या' तारखेला आयोजन

SCROLL FOR NEXT