नाशिक : जिल्ह्यात कोरोना (Corona) प्रादुर्भावाची स्‍थिती सध्या तरी नियंत्रणात असून रविवारी (ता.१०) जिल्ह्यातील ८९ रुग्‍णांचे कोरोनाविषयक अहवाल पॉझिटिव्‍ह आले. तर ९२ रुग्‍णांनी कोरोनावर यशस्‍वीरीत्‍या मात केली. एका बाधिताच्‍या मृत्‍यूची नोंद आहे. सद्यःस्‍थितीत जिल्ह्यात ७८३ बाधितांवर उपचार सुरू आहेत.

रविवारी नाशिक ग्रामीण क्षेत्रातील ४७, नाशिक महापालिका क्षेत्रातील ३७, मालेगाव महापालिका क्षेत्रातील एक तर जिल्‍हा बाहेरील चार रुग्‍णांचे कोरोनाविषयक अहवाल पॉझिटिव्‍ह आले. एका बाधिताच्‍या मृत्‍यूची नोंद असून, मृत रुग्‍ण नाशिक ग्रामीण क्षेत्रातील आहे. ९२ रुग्‍णांनी कोरोनावर यशस्‍वीरीत्‍या मात केली. सायंकाळी उशिरापर्यंत ३१९ रुग्‍णांना अहवालाची प्रतीक्षा कायम होती. यापैकी १५१ नाशिक शहरातील तर नाशिक ग्रामीणमधील १३३, मालेगावच्‍या ३५ रुग्‍णांचे अहवाल प्रलंबित होते. जिल्‍हाभरातील रुग्‍णालये व गृहविलगीकरणात ३०८ रुग्‍ण दाखल झाले. यापैकी २९३ रुग्‍ण नाशिक महापालिका क्षेत्रातील होते. जिल्‍हा रुग्‍णालयात चार रुग्‍ण दाखल झाले. नाशिक ग्रामीणमधील दहा तर मालेगाव महापालिका क्षेत्रातील एकाचा संशयितांमध्ये समावेश होता.