नाशिक : कोरोना व्हायरसचा वाढता प्रादुर्भाव लक्षात घेता पंतप्रधान नरेंद्र मोदी यांनी संपूर्ण देशात लॉकडाऊनची घोषणा केली. पण देशभरात लॉकडाऊन होण्याआधीच दळणवळणाची साधने बंद झाल्याने नाशिक शहरातील अडीचशे मुस्लीम समाज बांधव कोलकत्याजवळ मालदा टाऊन येथे अडकले आहेत. त्यांना नाशिकमध्ये येण्यासाठी अनेक अडचणी असून मदतीसाठी त्यांनी जिल्हा प्रशासनाला आवाहन केले आहे.
दळवळणाची साधने बंद झाल्याने अडकले नागरिक
कोरोना व्हायरसचा वाढता प्रादुर्भाव लक्षात घेता पंतप्रधान नरेंद्र मोदी यांनी संपूर्ण देशात लॉकडाऊनची घोषणा केली. आजपासून 21 दिवस देशात लॉकडाऊन असणार आहे. याच पार्श्वभूमीवर आता रेल्वे प्रशासनानंही मेल, एक्स्प्रेस आणि पॅसेंजर रेल्वेसेवा 14 एप्रिलपर्यंत बंद ठेवण्याचा निर्णय घेतला आहे. प्रवासी वाहतूक बंद असली तरी देशातील मालगाड्या सुरू राहणार असल्याचं रेल्वे प्रशासनानं स्पष्ट केलं आहे. त्यामुळे देशभरात दळवळणाची साधने बंद झाली आहेत. मात्र त्यापूर्वी नाशिकमधील अडीचशे मुस्लीम समाज बांधव येथे मालदा टाऊन पासून १८ किलो मीटर अंतरावरील एका गावात अडकले आहेत. दरवर्षी येथील पंडवाश्री दर्ग्यास भेट देण्यासाठी हे नागरीक जात असतात. यंदा १३ मार्चला ते गेल्यानंतर २३ मार्च रोजी मालदा टाऊन ते नाशिकरोड अशी त्यांची रेल्वे होती.
हेही वाचा > पोल्ट्री व्यवसायाला जिल्हा पोलिस अधीक्षक आरती सिंह यांचा दिलासा...लॉकडाऊनमध्येही मिळणार चिकन अन् अंडी!
मात्र त्यांना त्यापूर्वी २० तारखेला रेल्वेने तिकीट आरक्षण रद्द करून रेल्वही जाणार नसल्याचे कळवले. त्यातच विमास सेवा देखील बंद झाल्याने त्यांची अडचण झाली आहे.नाशिक शहरातील जुने नाशिक आणि नाशिकरोड भागातील नागरीक आहेत. त्यांनी मदतीसाठी याचना केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.