नाशिक : कोरोनाबाबत अफवा पसरविणाऱ्या 200 जणांना पोलिसांनी अटक केली आहे. त्यांच्याविरुद्ध अफवा पसरवणे, साथरोग प्रतिबंधक कायद्याचे उल्लंघन केल्याप्रकरणी गुन्हे दाखल करण्यात आले. संचारबंदी नियमाचे उल्लंघन करणाऱ्या एक हजार 60 जणांविरुद्ध गुन्हे दाखल करण्यात आल्याची माहिती जिल्हाधिकारी सूरज मांढरे यांनी दिली. 

टिकटॉकद्वारे "एप्रिल फुल' चांगलाच पडला महागात
1 एप्रिलला टिकटॉकद्वारे "एप्रिल फुल' बनविणाऱ्या चौघांना अटक करण्यात आली, तर आतापर्यंत कोरोनाच्या संकटाचा सामना करत असताना काही जणांकडून सोशल मीडियावर अफवा पसरविणारा कोणत्याही प्रकारचा व्हिडिओ, ऑडिओ अथवा लघुसंदेश पोस्ट करणे कायदेशीर गुन्हा असल्याचे वारंवार सांगूनही जिल्ह्यात कोरोनाविषयी अफवा पसरवणारे व्हिडिओ व्हायरल होत असल्याची बाब सायबर सेलच्या निदर्शनास आली. पोलिसांनी त्यांचा माग काढत पंधरा दिवसांत 200 जणांना अटक केली. 
संचारबंदीच्या काळात विनाकारण घराबाहेर पडलेल्या नागरिकांवर प्रतिबंधात्मक कारवाया करण्याचे इशारे पोलिसांकडून दिले जात असले तरीही अनेक नागरिक त्याकडे दुर्लक्ष करत विनाकारण रस्त्यावर फिरत असल्याने निदर्शनास आले. जिल्ह्यातील अशा एक हजार 60 जणांवर कारवाई करण्यात आल्याचे मांढरे यांनी सांगितले. 

हेही वाचा > धक्कादायक! दाम्पत्य दिवसभर घरातच बसायचे अन् रात्री घराबाहेर फिरायचे...कस्तुरबा रुग्णालयातील नर्सचे इगतपुरी कनेक्‍शन..

137 वाहने जमा 
विनाकारण घराबाहेर पडणाऱ्यांना पोलिसांनी चांगलाच हिसका दाखविला आहे. जिल्हाधिकाऱ्यांनी कोरोनाचा प्रादुर्भाव रोखण्यासाठी साथरोग प्रतिबंधात्मक कायदा 13 मार्चला लागू केला. प्रतिबंधात्मक उपाययोजनांतर्गत सार्वजनिक रस्त्यांवर, गल्लोगल्ली सायकल, मोटारसायकल, कार, रिक्षा यांना मनाई करण्यात आली आहे. मात्र तरीही लोक वाहने चालवत होती. अशी 137 वाहने पोलिसांनी जमा केल्याचे जिल्हाधिकाऱ्यांनी सांगितले. 

हेही वाचा > लॉकडाउन दरम्यान पहाटे संशयास्पद कंटेनरला पोलीसांनी अडवला...झडती घेतली तेव्हा धक्काच!