नाशिक : (सातपूर) हळदीच्या दिवशी अचानक वीज गेल्याने लग्नघरातील वीज सुरळीत करण्यासाठी गेलेल्या महावितरण कर्मचाऱ्यालाच दारूच्या नशेत असलेल्या पाहुण्यांनी मारहाण केली. याप्रकरणी सातपूर पोलिसांत गुन्हा दाखल करण्यात आला.
असा आहे प्रकार
सातपूर येथील संतोषी मातानगर येथे लग्नाच्या आदल्या दिवशी हळदीच्या कार्यक्रमात रात्री अचानक वीज गेली. लग्नघरातील मंडळींनी लगेचच महावितरणच्या आधिकाऱ्यांकडे वीजपुरवठा सुरळीत करण्याची विनंती केली. संबंधित अधिकाऱ्यांनीही लग्नाचे काम असल्याने लगेचच कर्मचाऱ्यांना घटनास्थळी जाण्याचे सांगून त्वरित वीजपुरवठा सुरळीत करण्याचे आदेश दिले. कर्मचारी शिवा साळवे यांनी सहकाऱ्यांसोबत संतोषीमाता झोपडपट्टीमधील लग्नघरी दाखल झाले. मात्र, दारूच्या नशेत असलेल्या वऱ्हाडी मंडळींनी मुद्दाम वीज बंद करण्याचा आरोप करत साळवे व त्यांच्या सहकाऱ्यांना मारहाण करत गंभीर जखमी केले. याप्रकरणी कर्मचाऱ्यांनी वरिष्ठ अधिकाऱ्यांना कळवताच त्यांनी गंभीर दखल घेत संबंधितावर पोलिसांत तक्रार देण्यास सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.