नाशिक :  : कोरोनाचा प्रादुर्भाव कमी करण्यासाठी रविवारी (ता. 22) देशात जनता संचारबंदी लावण्यात आली होती. सर्वत्र त्याला चांगला प्रतिसाद मिळाला. या पार्श्‍वभूमीवर इंडिया सिक्‍युरिटी प्रेस मजदूर संघाच्या पदाधिकाऱ्यांची मुद्रणालयांच्या अधिकाऱ्यांसोबत बैठक झाली. त्यात 31 मार्चपर्यंत दोन्ही मुद्रणालये बंद ठेवण्याचा निर्णय झाल्याची महिती मजदूर संघाचे सरचिटणीस जगदीश गोडसे व कार्याध्यक्ष ज्ञानेश्‍वर जुंद्रे यांनी दिली. त्यामुळे मुद्रणालयातील छपाई व प्रशासकीय कामकाज बंद राहणार आहे. अत्यावश्‍यक सेवा सुरू राहील. 

कोरोना व्हायरसचा प्रादुर्भाव रोखण्यासाठी केंद्र व राज्य शासनाकडून विविध उपाययोजना

नाशिकरोड येथील भारत प्रतिभूती मुद्रणालयात दोन्ही पाळ्यांमध्ये १९०० कामगार काम करतात. तर जेलरोड येथील चलार्थ पत्र मुद्रणालयात दोन्ही पाळ्यांमध्ये २१०० कामगार काम करतात.सुरक्षिततेच्या व आरोग्याच्या कारणास्तव मजदूर संघाने व्यवस्थापनाकडे दोन्ही मुद्रणालये बंद ठेवण्याची मागणी केली होती. मुद्रणालय व्यवस्थापनाने कोरोनाच्या पार्श्वभूमीवर दोन्ही मुद्रणालय ३१ मार्चपर्यंत बंद ठेवण्याचा निर्णय घेतला असल्याचे मजदूर संघाचे सरचिटणीस जगदीश गोडसे यांनी सांगितले. मुद्रणालयाच्या इतिहासात पहिल्यांदाच प्रेस बंद ठेवण्याची वेळ आली आहे."

हेही वाचा > COVID-19 : photos : 'त्याच्या' हातावरचा 'क्वारंटाइन' बघून प्रवाशांना भरली धडकी!...झटक्यात बस झाली रिकामी

कोरोना व्हायरसचा प्रादुर्भाव रोखण्यासाठी भारत प्रतिभूती व चलार्थ पत्र मुद्रणालय ३१ मार्चपर्यंत बंद ठेवण्याचा निर्णय घेण्यात आल्याची माहिती मजदूर संघाचे सरचिटणीस जगदीश गोडसे यांनी दिली आहे.कोरोना व्हायरसचा वाढता प्रादुर्भाव रोखण्यासाठी घेऊन केंद्र व राज्य शासनाकडून विविध उपाययोजना केल्या जात आहेत. नागरिकांनादेखील दक्षता घेण्याच्या सूचना करण्यात आल्या असून, संपूर्ण राज्यामध्ये जमावबंदी आदेश लागू करण्यात आला आहे.

हेही वाचा > COVID-19 : दुबईहून आलेल्या 'त्या' दोन क्वारंटाइन यांना इगतपुरी रेल्वे स्टेशनवर उतरवले!