नाशिक : खरेदी केलेल्या घराला वडिलांचे नाव लावण्यासाठी ३० हजार रुपयांची लाच मागून स्वीकारताना नगर भूमापन अधिकारी कार्यालयातील परिरक्षक भूमापक अधिकाऱ्याला लाचलुचपत प्रतिबंधक विभागाच्या पथकाने रंगेहाथ अटक केली. संदीप हरिलाल चव्हाण असे संशयित लाचखोर अधिकाऱ्याचे नाव आहे. 

घराला वडिलांचे नाव लावण्यासाठी मागितली लाच
तक्रारदारांनी खरेदी केलेल्या घराला वडिलांचे नाव लावण्यासाठी नाशिक शहरातील नगर भूमापन अधिकारी कार्यालय एकमधील संदीप चव्हाण यांच्याकडे संपर्क केला असता श्री. चव्हाण यांनी या कामासाठी तक्रारदार यांच्याकडे ५० हजार रुपये लाचेची मागणी केली. तडजोडीअंती ४० हजार रुपये ठरले. या प्रकरणी तक्रारदारांनी लाचलुचपत प्रतिबंधक विभागाकडे तक्रार केली असता विभागाने भूमापन कार्यालयात सापळा रचल्यानंतर गुरुवारी (ता. ३१) ३० हजार रुपयांच्या लाचेची रक्कम स्वीकारताना विभागाने चव्हाण यांना रंगेहाथ पकडत अटक केली.  

हेही वाचा - ह्रदयद्रावक! केवळ लेकरासाठीच मातेचे कष्ट अन् धडपड; नियतीचा घाला आला आणि सहा वर्षाचं लेकरू झालं पोरकं

हेही वाचा - सरपंचपद भोगल्यानंतर भयाण वास्तवाचा सामना! माजी सरपंचांवर आज मजुरीची वेळ