नाशिक : सुप्रिया ज्ञानेश्वर सांगळे (13) व अनुराग सांगळे (11) हे एकमेकांचे चुलत भावंड असून सकाळी कपडे धुण्यासाठी दोघेही घराजवळ असलेल्या पाझर तलावाकडे गेले होते. शिर्डी महामार्गाजवळ भोकण नाल्यावर हा पाझर तलाव आहे. सुप्रिया कपडे धुवत असताना अनुराग पाण्यात अतरला. मात्र, तेथे असलेल्या खोल खड्ड्यात अंदाज न आल्याने तो बुडाला...अन् मग जे काही झाले ते ह्रदयद्रावक होते.

असा घडला प्रकार

सुप्रिया ज्ञानेश्वर सांगळे व अनुराग सांगळे हे एकमेकांचे चुलत भावंड असून सकाळी कपडे धुण्यासाठी दोघेही घराजवळ असलेल्या पाझर तलावाकडे गेले होते. शिर्डी महामार्गाजवळ भोकण नाल्यावर हा पाझर तलाव आहे. सुप्रिया कपडे धुवत असताना अनुराग पाण्यात अतरला. मात्र, तेथे असलेल्या खोल खड्ड्यात अंदाज न आल्याने तो बुडाला. ते पाहून सुप्रियाने आरडाओरडा करून जवळच्या शेतात असणाऱ्या शेतकऱ्यांना मदतीला बोलावले. हे शेतकरी तिथे पोहचेपर्यंत बहिणीने देखील पाण्यात उडी मारली. मात्र, पोहता येत नसल्याने ती देखील पाण्यात बुडाली. मदतीला धावलेल्या शेतकऱ्यांनी दोघांचाही पाण्यात शोध घेतला.

हेही वाचा > ह्रदयद्रावक! हळद लागली अन्‌ अक्षता रुसल्या! सप्तपदीच्या फेऱ्यांपूर्वीच नववधूचा संसार उद्‌ध्वस्त

तासाभरानंतर मृतदेह बाहेर काढले

सिन्नर तालुक्यातील भोकणी येथे कपडे धुण्यासाठी गेलेल्या बहीण-भावाचा तलावात बुडुन मृत्यू झाल्याची घटना आज (ता. 30) सकाळी नऊ वाजेच्या सुमारास घडलीतलावात असलेल्या गाळात दोघेही फसल्याने सुमारे तासाभराने त्यांचे मृतदेह पाण्यातून बाहेर काढण्यात आले. दोडी येथील रुग्णालयात शवविच्छेदन झाल्यावर भोकणी येथे दोघांवर अंत्यसंस्कार करण्यात आले. या घटनेमुळे परिसरात हळहळ व्यक्त होत आहे. भारत तुकाराम सांगळे यांनी या घटनेची माहिती वावी पोलीस ठाण्यात दिली. पोलिसांनी अकस्मात मृत्यूची नोंद केली आहे.

हेही वाचा > धक्कादायक! पिकअप गाडीवर नाव "जय बजरंग बली" अन् आत मात्र अंगावर काटा आणणारी गोष्ट..

.