नाशिक : 'माझी गाडी चालवण्याची परिस्थिती नसून, मी सटाणाजवळील जोगेश्वरी फर्टिलायझर्स समोर उभा आहे," असे त्यांनी मावसभावाला मोबाईलवर संपर्क साधत सांगितले. आणि दुसऱ्याच क्षणी खळबळजनक बातमी आली. वाचा सविस्तर..
नेमके काय घडले?
पोलिसांनी दिलेल्या माहितीनुसार नंदलाल शिंदे हे मुळचे धु्ळ्याचे उद्योजक एमएच 15 - एफटी- 0133 क्रमांकाच्या स्कोडा कारने कारसामोडे येथून नाशिककडे निघाले होते. ते ताहाराबाद रोडवरील यशवंतनगरजवळ आल्यानंतर त्यांचे मावसभावाशी फोनवर बोलणे झाले. 'माझी गाडी चालवण्याची परिस्थिती नसून, मी सटाणाजवळील जोगेश्वरी फर्टिलायझर्स समोर उभा आहे', असे त्यांनी मावसभावाल सांगितले. हे ऐकल्यानंतर शिंदे यांचा मावसभाऊ व इतर दोघे नातेवाईक घटनास्थळी लगेच पोहचले, मात्र तेव्हा शिंदे हे आपल्या गाडीच्या ड्रायव्हर सीटवर रक्ताच्या थारोळ्यात आढळून आले.
हेही वाचा - Success Story : दृष्टिबाधित ज्ञानेश्वरची भरारी! मेहनत, चिकाटी व स्वकष्टातून बनला बँक अधिकारी
उद्योजक नाशिक मनसेचे नेते
सटाणा शहराच्या जवळ यशवंनगर येथील जोगेश्वरी फर्टिलायझर्स या दुकानासमोरील हायवेवर आज (दि.७) दुपारी एका उद्योजकाने कारमध्येच रिव्हॉल्व्हरमधून स्वतःच्या डोक्यात गोळ्या झाडून आत्महत्या केल्याने समोर आले आहे. दरम्यान आत्महत्या केलेल्या उद्योजकाचे पुर्ण नाव नंदलाल गणपत शिंदे (वय ५५, रा.सामोडे, ता.साक्री, जि.धुळे, सध्या रा. सिडको, नाशिक) असे असून ते कामटवाडा, नाशिक येथील मनसेचे नेते व महिंद्रा अँड महिंद्रामधील युनियनचे माजी पदाधिकारी होते असे समोर आले आहे
पोलिसांचा तपास सुरु
घटनेची माहिती मिळताच सटाणा पोलीस ठाण्याचे पोलिस निरीक्षक नंदकुमार गायकवाड, सहाय्यक पोलीस निरीक्षक किरण पाटील, पोलीस हवालदार नवनाथ पवार, विजय वाघ, बैरागी यांनी घटनास्थळी दाखल झाले. पोलिसांनी प्रथम रिव्हॉल्व्हर ताब्यात घेतली. पोलिसांनी घटनास्थळी रुग्णवाहिकेला बोलवून शिंदे यांचा मृतदेह सटाणा ग्रामीण रुग्णालयात प. पुढील तपास सटाणा पोलिसांनी सुरू केला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.