सुरगाणा : जमीन खोदताना सापडलेली सोन्याची नाणी विकायची असल्याचे सांगून दोन व्यक्तीस दहा लाख रुपयांना गंडा घातल्याची घटना सुरगाण्यात घडली आहे. याबाबत दादरा नगर हवेली जिल्ह्यातील सेलवास येथील मुकेश खोंडे (वय २६) यांनी सुरगाणा पोलिसांकडे तक्रार दाखल केली आहे. पोलिसांनी या प्रकरणी दोघा संशयितांना ताब्यात घेतले असून इतर साथीदारांचा शोध सुरू आहे. तसेच या प्रकरणात एक चारचाकी जप्त करण्यात आली आहे.

सेलवास येथील मुकेश खोंडे यांना खोदकामात सोन्याची नाणी विकणार असल्याचे समजताच त्यांनी ही नाणे घेण्याचे ठरवीत संबंधितासोबत संपर्क साधला व त्यानंतर एक ठिकाण ठरविले. तत्पूर्वी यावेळी पाच हजार रुपये इसार देऊन सौदा ठरला व उर्वरित रक्कम दुसऱ्या फेरीत पैसे व सोन्याची नाणी देवाण- घेण्याबाबत बोलणे झाले. ठरल्यानुसार २९ नोव्हेंबर २०२२ ला सुळे गावाकडे जाणाऱ्या रस्त्यावर सोन्याच्या नाण्यांचा खरेदी-विक्री होणार होती. ठरल्याप्रमाणे सेलवास येथील मुकेश खोंडे, नारायण गुज्जर व इतर जोडीदार १० लाख रुपये घेऊन ठरल्यावेळी संध्याकाळी सहाला सुळे रस्त्यालगत मोहाच्या झाडाजवळ पोहोचले.

हेही वाचा: सीमावादात रक्त सांडायला मराठी माणूसच का?

विक्रीदार व खोंडे यांच्यात बोलणी सुरु असतानाच एका चारचाकीतून (एमएच ०५ एबी ६८५५) सुरगाणा तालुक्यातील कमलाकर गांगुर्डे (रा. वडपाडा) आणि रमेश पवार (रा. मोकपाडा) सुरेश कनसे (रा.भोकरपाडा), कांतीलाल पवार हे आले व आम्ही पोलीस असल्याचे सांगत पिस्तुलाचा धाक दाखवून व मारण्याची धमकी देऊन मुकेश खोंडे व नारायण गुज्जर यांचेकडील १० लाख रुपये बळजबरीने काढून पळ काढला.

यानंतर खोंडे यांनी सुरगाणा पोलिस ठाणे गाठत घडलेला सर्व प्रकार सांगितले. त्यानंतर सुरगाणा पोलिस व स्थानिक गुन्हे शाखा यांनी संयुक्तपणे घटनेचे गांर्भीय लक्षात घेत तपास करत संशयित रमेश पवार व कमलाकर गांगुर्डे या दोघा संशयितांना ताब्यात घेतले. करून रमेश देवाजी पवार व कमलाकर सुरेश गांगुर्डे या दोघा संशयितांना ताब्यात घेतले. दोघा संशयित यांना दिंडोरी न्यायालयात उभे केले असता न्यायालयाने तीन दिवसांची पोलिस कोठडी दिली आहे. पुढील तपास पोलिस निरीक्षक संदीप कोळी हे करीत आहेत.