नाशिक/सटाणा : (बिजोरसे) रात्रीच्या वेळीच घडली घटना. सकाळी रामराव मोरे नेहमीप्रमाणे गाईचे दूध काढण्यासाठी गोठ्याकडे गेले. रात्री दिसलेले वासरू सकाळी थेट दिसले मृतावस्थेतच. आजूबाजूच्या पावलांच्या ठशाने झाला खुलासा. वाचा काय घडले?

असा आहे प्रकार

गुरुवारी (ता. 29) बिजोरसे येथील गावाजवळच शेत मोराणे शिवारात गट नं.64 शेतकरी रामराव शिवराम मोरे नेहमीप्रमाणे सकाळी गाईचे दूध काढण्यासाठी गेले असता समोरील दृश्य पाहून हादरले. काही क्षणासाठी ते स्तब्धच झाले. रात्री दिसलेले वासरू सकाळी थेट मृतावस्थेत बघून त्यांना धक्काच बसला. वासरु नेमके कसे मेले? या विचाराने त्यांचे डोळे पाणावले. जोरात हंबरडा फोडल्याने आजूबाजूचे शेतकरी गोळा झाले. त्यांनी कांद्याच्या शिवारामध्ये पावलांच्या खुणा दिसल्या. कांद्याचे शेत ओले असल्याने ठसे उमटले दिसल्याने हा हल्ला बिबट्यानेच केला हे स्पष्ट झाले. शेतकरी रामराव मोरे व पप्पू मोरे यांनी वन कर्मचाऱ्यांना माहिती दिली. काही वेळातच वन विभागाचे अधिकारी श्रीमती आर एच आहीरे व राजेन्द्र साळुंखे हे कर्मचारी उपस्थित झाले. त्यांनी पंचनामा करत तिथे जमलेल्या परिसरातील शेतकऱ्यांनी संवाद साधला. 

हेही वाचा > सिनेस्टाईल थरार! पोलिसांची चाहूल लागताच रिक्षाचालकाने ठोकली धूम; अखेर संशय खरा ठरला

पिंजरा लावण्याची मागणी

रात्री शेतीला पाणी देण्यासाठी उभे राहावे लागते. तसेच काद्यांना दोन पैसे मिळत असल्याने कांदा चोरीचे प्रमाण वाढल्याने शेतकरी सध्या शेतात पहारेकरीची भूमिका पार पाडत आहे. सर्व बाजूंनी धोका वाढला आहे. यात जीवितहानी झाल्यास तर याला जबाबदार कोण? गेल्या महिन्यात ही मोरणेगावाजवळ गुलाब मोरे यांचे ही दोन वासरांचा फडशा पाडला. तेव्हा कोणीही मनावर घेतले नाही. तसेच अधून-मधून अंबासन शिवाराजवळच असल्याने तिथेही बिबट्याचे दर्शन झाले. तरी बिबट्याचा बंदोबस्त करावा अशी मागणी वनविभागाच्या कर्मचाऱ्यांकडे केली जात आहे.

हेही वाचा > विवाह समारंभाला आलेल्या कुटुंबियांना बनविला निशाणा! दहा लाखांहून अधिक ऐवज लंपास