नाशिक : महिनाभरापूर्वीच आखला होता प्लॅन. ''मला स्टॉक मार्केटमध्ये गुंतवणूक करायची आहे. तुम्ही इकडेच येऊन समजवले तर बरे होईल, येण्या-जाण्याचा खर्च मी देतो'',म्हणत त्याला बेळगाववरुन नाशिककला बोलावून घेतले. मात्र डोक्यात दुसरंच काहीतरी शिजत होते. धक्कादायक प्रकार 

अशी घडली घटना

अभिजीत श्रीकांत महेंद्रकर (35, रा. बेळगाव) व त्यांचे मित्र प्रविण कुमार खोत हे नाशिकला आले होते. संशयितांनी महिनाभरापुर्वीच अभिजीत यांची ओळख करून स्टॉक मार्केटमध्ये आर्थिक गुंतवणूक करण्याच्या बहाण्याने त्यांना बेळगावहून नाशिकला बोलवले. अभिजीत व मित्र प्रविण दोघेजण महात्मागांधी रोडवरील एका हॉटेलात थांबले. शुक्रवारी (ता. 4) रोजी दुपारी महेश थोरात याने कारमध्ये बसवून घोटी येथील एका गेस्ट हाऊसमध्ये नेले. तेथे गेल्यानंतर संशयित अग्रवाल याने अभिजीत यांच्याकडून स्टॉक मार्केटची माहिती समजून घेतली. त्यानंतर गोपाळ अग्रवाल याने दोघांनाही शितपेय दिले, मात्र ते पिल्याने दोघांनाही गुंगी आली. दरम्यान, गोपाळ अग्रवाल यांच्या सांगण्यावरुन तेथील बाऊन्सर संभाजी पवार, सचीन भोसले, महेश थोरात यांनी दोघांना नाशिकला सोडून देण्याच्या बहाण्याने घोटी येथील जंगलात नेले व तेथे संभाजी पवार याने पिस्तुलीचा धाक दाखवून दोघांकडील रोकड, लॅपटॉप, मोबाइल, पाकिट अशा 80 हजार रूपयांच्या किंमती चीजवस्तू लुटल्या. 

हेही वाचा > संतापजनक! कोरोनाबाधित महिलेचा सफाई कर्मचाऱ्याकडून विनयभंग; घटनेनंतर रुग्णालयात खळबळ

संशयितांनी लॅपटॉप अभिजीत यांच्या पुणे येथील मित्राकडे पोहचवला, मात्र पैसे, महत्वाची कागदपत्रे, मोबाइल दिले नाही. याप्रकरणी जबरी चोरीची फिर्याद दाखल केली असून सरकारवाडा पोलीस तपास करीत आहेत.

हेही वाचा > ह्रदयद्रावक! मोबाईल मिळेना म्हणून भितीपोटी विद्यार्थीनीची आत्महत्या; ऑनलाइन शिक्षणाचा आणखी एक बळी

संपादन - किशोरी वाघ