निफाड (जि. नाशिक) : फोटो घेण्याच्या नादात बऱ्याचदा लोक स्वतःचा जीवही धोक्यात घालतात. असाच काही प्रकार येथील उसतोड कामगाराने केला होता.पठ्ठ्याने चक्क बिबट्यासोबत फोटोसेशन केले होते. मात्र या कामगारास असे करणे महागात पडले आहे. वाचा सविस्तर
वन विभागाकडून गुन्हा दाखल
याबाबत माहिती अशी, येवला वनक्षेत्रांतर्गत येणाऱ्या निफाड तालुक्यातील कुरुडगाव येथे ऊसतोडणी करणाऱ्या युवकाने उसाच्या फडात सोमवारी (ता. १) ऊसतोडणी करीत असताना चिंचखेडा (ता. गंगापूर, जि. औरंगाबाद) येथील ऊसतोड मजूर प्रकाश लक्ष्मण सोनवणे याला उसाच्या शेतात बछडा आढळून आला. त्यानंतर तरुणाने त्या बछड्यासोबत सेल्फी काढून तो सोशल मीडियावर व्हायरल केला होता. सापडलेल्या बछड्यासोबत सेल्फी काढत तो सोशल मीडियावर व्हायरल केल्या प्रकरणी वन विभागाने गुन्हा दाखल केला आहे. न्यायालयाने त्यास जामीन मंजूर केला आहे.
सर्वत्र संताप व्यक्त
या प्रकारानंतर अनेकांनी संताप व्यक्त केला. वन विभागाच्या अधिकाऱ्यांनी संपूर्ण प्रकरणाची शहानिशा करून संशयित आरोपी प्रकाश सोनवणे याच्याविरुद्ध भारतीय वन्यजीव संरक्षण अधिनियम कायद्यान्वये गुन्हा दाखल केला. संशयित आरोपीला निफाड न्यायालयात हजर केले असता, जामीन मंजूर करण्यात आल्याची माहिती वन विभागाने दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.