मालेगाव (जि. नाशिक) : पोलिस हे सामान्यांच्या रक्षणासाठी काम करतात. सध्याच्या कोरोना महामारीच्या काळाच तर जीवाची परवा न करता ते दिवसरात्र जनतेच्या सेवेत असल्याचे आपण पाहातो. मात्र मालेगावात पोलिस ठाण्यातच पोलिसाच्या कानशिलात लगवल्याचा धक्कादायक प्रकार समोर आला आहे.
मालेगाव येथील तालुका पोलिस ठाण्यातील एका गुन्ह्यात पोलिस कोठडीत असलेल्या संशयिताशी लॉकअप गार्डवर ड्यूटीसाठी असलेल्या पोलिसाची परवानगी न घेता बोलताना हटकले. एवढ्यावर दोघांनी पोलिस शिपायाच्या कानशिलात लगावण्याचा प्रकार तालुका पोलिस ठाण्यात गुरुवारी (ता. २९) सायंकाळी घडला. या प्रकरणी दोघांविरुद्ध शासकीय कामात अडथळा आणल्याचा गुन्हा दाखल करण्यात आला.
नेमके काय घडले?
पोलिस शिपाई तानाजी शिंदे तालुका पोलिस ठाण्याच्या लॉकअप गार्डवर होते. या वेळी लॉकअपमधील खुनाच्या प्रयत्नातील संशयिताला कैलास शिंदे, गणेश शिंदे (दोघे रा. शेंदुर्णी) भेटण्यासाठी गेले. दोघांनी शिंदे यांची परवानगी न घेता ते कोठडीतील संशयितांशी बोलू लागले. शिंदे यांनी त्यांना हटकत संशयितांना भेटता येणार नाही, असे सांगितले. त्याचा राग आल्याने कैलास व गणेश यांनी शिंदे यांच्या शर्टाची कॉलर पकडून झटापट केली. एकाने थेट डाव्या कानशिलात लगावली. शिंदे यांच्या तक्रारीवरून कैलास शिंदे, गणेश शिंदे यांच्याविरुद्ध तालुका पोलिसांत शासकीय कामात अडथळा व सरकारी कर्मचाऱ्यावर हल्ला केल्याचा गुन्हा दाखल करण्यात आला. दोन्ही संशयितांचा शोध सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.