सिडको : पैशांचे आमिष दाखवून एका महिलेसह तिच्या साथीदारांनी मोलमजुरी करणाऱ्या तरुणाच्या धार्मिक भावना दुखावल्याची धक्कादायक घटना समोर आली आहे.

औद्योगिक वसाहतीत घडलेल्या घटनेबाबत अंबड पोलिस ठाण्यात या प्रकरणी सहा जणांविरुद्ध गुन्हा दाखल करण्यात आला आहे. (case registered against 6 people for hurting religious sentiments Nashik Crime)

मोहन राधाकिसन म्हस्के यांनी तक्रार दिली आहे. म्हस्के यांनी दिलेल्या फिर्यादीत म्हटले आहे, की शनिवारी (ता. २५) दुपारी साडेअकराला अंबड येथील घरकुल योजनेच्या बिल्डिंगच्या खाली मी बसलेलो असताना ज्योती गुरुदेव मोरे या महिलेने पैशांचे आमिष दाखवून माझ्या धार्मिक श्रद्धांचा अपमान करून माझ्या धार्मिक भावना दुखावल्याचे म्हटले आहे.

या तक्रारीवरून देवीदास जगत पंडोले, आकाश गजानन कांबळे, गुरुदेव सुभाष मोरे, प्रियंका कल्याणपुरी गोस्वामी, रेखा गुलाब अमोदे, ज्योती गुरूदेव मोरे (रा. अंबड) यांच्याविरुद्धा गुन्हा दाखल करण्यात आला आहे.