सिडको (नाशिक) : खोटे बोलून पुरुषत्व नसलेल्या तरुणासोबत लग्न लावून फसवणूक केल्याप्रकरणी संबंधित महिलेच्या तक्रारीवरून अंबड पोलिस ठाण्यात तिच्या पतीसह सासरच्या मंडळींविरोधात गुन्हा दाखल झाला आहे. ही महिला शासकीय नोकरीत आहे.

लग्नानंतर समोर आला नवरदेवाचा खरा चेहरा

पीडित महिलेने दिलेल्या तक्रारीत म्हटले आहे, की तिचा पती चेतन (विजय) सोनवणे याच्याबाबत वस्तुस्थिती माहीत असूनही फसवणूक करीत विवाह लावून दिला. त्याशिवाय शासकीय नोकरीत गैरमार्गाने पैसे कमविण्यासाठी तगादा लावला जात होता. सासरी विविध कारणांवरून नेहमीच छळ होत असल्याचेही तक्रारीत म्हटले आहे. त्यानुसार पोलिसांनी पती चेतन सोनवणे, सासू शीला (पूनम) सोनवणे, चुलत सासरे प्रदीप (राजू) सोनवणे, अमित (गुड्डू) सोनवणे, नणंद गौरी सोनवणे, विजय (बाळासाहेब) सोनवणे (सर्व रा. कर्मयोगीनगर, तिडके कॉलनी) यांच्याविरुद्ध गुन्हा दाखल केला असून, पती व दीर यांना अटक करण्यात आली आहे.  

हेही वाचा > समाजकंटकाचेच षड्यंत्र! वाळलेले कांदारोप बघून शेतकऱ्याला धक्काच; अखेर संशय खरा ठरला

हेही वाचा > शेडनेट पंजाच्या सहाय्याने फाडून आत शिरण्यात बिबट्या अयशस्वी; तरीही डाव साधलाच