नाशिक / चांदवड : रानमळ्यात असलेल्या धोकादायक वळणावर उमराणेच्या बाजूने येणाऱ्या ट्रक वरील चालकाचा ताबा सुटला अन् तो ट्रक रस्त्याच्या कडेला उलटला. त्याच वेळी रस्त्याच्या कडेला काही मुले बसलेली असल्याने अपघाताचा आवाज ऐकताच काळजाचा ठोका चुकला..मात्र त्यातही अशी घटना घडली ज्याला चमत्कार अन् दैवाची साथ असचं म्हणावं लागेल.
अशी घडली घटना
मनमाड-उमराणे रस्त्यावर शिंगवे शिवारातील रानमळ्यात असलेल्या धोकादायक वळणावर उमराणेच्या बाजूने येणाऱ्या ट्रक (एमएच 41, जी 5663)वरील चालकाचा ताबा सुटला अन् तो ट्रक रस्त्याच्या कडेला उलटला. त्याच वेळी रस्त्याच्या कडेला काही मुले बसलेली असल्याने अपघाताचा आवाज ऐकताच काळजाचा ठोका चुकला..मात्र त्यातही अशी घटना घडली ज्याला चमत्कार अन् दैवाची साथ असचं म्हणावं लागेल. ट्रक नालीत कोसळल्याने मुले सुखरूप आहेत हे पाहताच मुले अन् त्यांच्या मातांनी एकमेकांकडे धाव घेत गळ्यात पडून आनंदाश्रूंना वाट मोकळी करून दिली.
दैव बलवत्तर म्हणून...
या रस्त्याच्या शेजारीच असलेल्या शिवाजी झाल्टे यांच्या शेतात काही महिला मकापेरणी करीत होत्या. अविनाश शिंदे, सागर शिंदे, कुणाल शिंदे, तेजस शिंदे, यशवंत गुंड, तुषार शिंदे ही त्यांची मुले बसलेली असताना अचानक त्यांच्या दिशेने हा ट्रक आला. आपल्याकडे येणाऱ्या ट्रकला पाहून मुले जोरात ओरडली. मात्र ट्रक मुलांच्या जवळून दोन फूट अंतरावरून जात पुढे नालीत आदळल्याने कुणालाही इजा झाली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.