नाशिक/देवळा : दीपावलीच्या लक्ष्मीपूजनासाठी प्रत्येक घरी पूजेसाठी इतर पूजा साहित्यांबरोबरच नवी केरसुणी, बांबूच्या काड्यांची टोपली, सूप यांचीही मांडणी करून पूजा करावी लागते. लक्ष्मीचे रूप म्हणून या साधनांकडे पहिले जाते. या साहित्याच्या खरेदीसाठी येथील बाजारात खरेदीसाठी नागरिकांची गर्दी होत आहे. 

दीपावली पर्वातील एक दिवस म्हणजे लक्ष्मीपूजन. या दिवशी प्रत्येक घरी दिव्यांच्या लखलखाट करत प्रत्येकजण लक्ष्मीची वाट पाहत असतो. म्हणून दीपावलीच्या पार्श्वभूमीवर येथील बाजारात केरसुणी, टोपली, सूप अशा साहित्याची जोरात खरेदी-विक्री सुरू आहे. दीपावलीनिमित्त तालुक्याची बाजारपेठही सज्ज झाली आहे. 

हेही वाचा>> विकृती थांबता थांबेना! एकविसाव्या शतकातही 'ती' ठरतेय अन्यायाची शिकार

असे आहेत भाव

लक्ष्मीपूजनासाठी केरसुणी, टोपली, सूप यांची दुकाने मोठ्या प्रमाणात लागली असून, केरसुणी- ३० रुपये, सूप- ४० -५० रुपये, टोपली- ३० रुपये असा भाव आहे. शिंद्याच्या पानांपासून तयार केलेल्या केरसुणीला अधिक मागणी असल्याचे दिसून येत आहे. ग्रामीण भागासह शहरी भागातही या साहित्याचे धार्मिक महत्त्व मोठे आहे. हा उत्सव झाल्यावर दैनंदिन वापरासाठी हे साहित्य लागणारच असते. म्हणून हे साहित्य घेण्यासाठी गर्दी दिसून येत आहे. याबरोबरच अंगणात सजावट करण्यासाठी वेगवेगळ्या रंगांच्या रांगोळीचीही खरेदी महिलावर्गाकडून होत आहे. विविधांगी रांगोळीच्या सजवटी लक्ष वेधून घेत आहेत. 

हेही वाचा>> शेतकऱ्याच्या मेहनतीवर वाईट नजर आणि क्षणातच सारं संपल! दीड एकरवरील द्राक्षबाग उदध्वस्त

असे म्हटले जाते, की ‘स्वच्छता असे -तिथे लक्ष्मी वसे’ म्हणून घरदार स्वच्छ असण्यासाठी केरसुणी व इतर साहित्य महत्त्वाचे असते. किंबहुना त्यांच्यातच लक्ष्मीचे रूप पाहिले जाते. म्हणून लक्ष्मीपूजनासाठी हे साहित्य मांडावे लागते. 
- राहुल वाघमारे, पुरोहित, देवळा