नाशिक :  दोन अज्ञातांनी सरकारी ठेकेदार शिलासिंग नेहरा (५२, प्रिंन्स हाऊस, जयभवानी रोड, नाशिक रोड) सकाळी कार्यालयात जात असताना त्यांचे वाहन थांबवले आम्ही क्राईम ब्रँचचे पोलीस आहोत अशी बतावणी करत दोघे नेहरा यांच्या गाडीत बसले आणि पुढे त्यांना गाडी त्यांच्या सांगण्यानुसार चालवण्यास सांगितले.

काय आहे प्रकरण

शिलासिंह ओमप्रकाश नेहरा यांनी दिलेल्या तक्रारीनुसार सकाळी कार्यालयात जाताना रस्त्यात दोघांनी त्यांचे वाहन थांबवले. आम्ही क्राईम ब्रँचचे पोलीस आहोत अशी बतावणी करत दोघे नेहरा यांच्या गाडीत बसले. त्यानंतर त्या दोघांनी नेहरा यांना तुमच्या विरोधात एका महिलेची तक्रार आहे असे सांगितले आणि पोलीस असल्याचा धाक दाखवत गाडी त्यांच्या सांगण्यानुसार चालवण्यास सांगीतले, पण सुदैवाने नेहरा यांना त्या दोघांचा संशय आल्याने त्यांनी वाहन थांबवताच त्या दोघांना गाडीतून खाली उतरुन तुला आणि परिवाराला पाहुण घेउ अशी धमकी दिली आणि दोघे तेथून पसार झाले. 

हेही वाचा > धाबे दणाणले! नियुक्ती होऊनही उमेदवार कामावर नाही?कारवाई तर होणारच

तक्रार दाखल

या प्रकरणाचा उपनगर पोलीस ठाण्यात गुन्हा दाखल करण्याात आला आहे तर अधिकचा तपास पोलिस हवालदार एस. व्ही. कोकाटे करत आहेत 

हेही वाचा > दुर्दैवी! बैलपोळ्याच्या पूर्वसंध्येला अचानक आलेल्या 'त्या' बातमीने ममदापूर हळहळले..काय घडले नेमके?

संपादन - रोहित कणसे