नाशिक : (त्र्यंबकेश्‍वर) येथे कोरोनाचे रुग्ण वाढल्याने खडबडून जाग आलेल्या पालिकेने या कालावधीत कडकडीत लॉकडाउनचे आवाहन केले आहे. नगराध्यक्ष पुरुषोत्तम लोहगावकर, मुख्याधिकारी संजय जाधव यांनी सोमवारी (ता. १३) संयुक्त निवेदन काढून ग्रामस्थांना लॉकडाउन यशस्वी करण्याचे आवाहन केले.

कडक अंमलबजाणीचा निर्णय

त्र्यंबकेश्वरमध्ये एकूण नऊ प्रतिबंधित क्षेत्रे असून, दोन हजार ११२ कुटुंबीय संचारबंदीत आहेत. तेथील व्यवस्थेसाठी पालिकेने १४ वैद्यकीय पथके कार्यरत केली आहेत. कोरोनाचे रुग्ण वाढल्याने खडबडून जाग आलेल्या पालिकेने १५ ते २८ जुलैला कडकडीत लॉकडाउनचे आवाहन केले आहे. मंदिर तीन महिन्यांपासून बंद असल्याने बाहेरील पर्यटक येत नसले, तरी बाहेरील विक्रेते आणि कामगारांची संख्या जास्त आहे. आजूबाजूच्या भागातील लोकांचे रोजगार बुडाल्याने लोक कामासाठी त्र्यंबकेश्‍वर शहरात येऊ लागल्याने पालिकेने कडक अंमलबजाणीचा निर्णय घेतला आहे.

हेही वाचा > सामनगाव शिवारात धुमाकूळ घालणारा बिबट्या अखेर जेरबंद

तालुक्‍यात आढळलेले पॉझिटिव्ह रुग्ण ३६
आज नव्याने आढळलेल्या पॉझिटिव्ह १
त्र्यंबकेश्‍वर नगर परिषद क्षेत्र १६
तालुक्यातील जिल्हा परिषद क्षेत्र २०
आतापर्यंत डिस्चार्ज दिलेले रुग्ण २६
कोरोनामुळे झालेले मृत्यू १
कोविड केअर सेंटरमध्ये दाखल ६
कोविड रुग्णालयात दाखल रुग्ण १
खासगी रुग्णालयात दाखल रुग्ण २
तालुक्यातील एकूण पॉझिटिव्ह ९
अहवाल यायचे बाकी रुग्ण २५

हेही वाचा > नाशिकमधील 'हा' परिसर ठरतोय आता कोरोनाचा नवा हॉटस्पॉट!