नाशिक : जिल्ह्यातील कायदा आणि सुव्यवस्था अबाधित राखण्यासाठी अवैध धंद्याविरोधात थेट तक्रारीसाठी जिल्हा समन्वय कक्षाची स्थापना करण्यात आल्याची माहिती जिल्हाधिकारी सूरज मांढरे यांनी दिली.

थेट तक्रार करता येणार

नागरिकांसाठी उपलब्ध असलेल्या या समन्वय कक्षाचा क्रमांक 09405869940 हा असून ई मेल आय डी nashikhb123@gmail.com हा आहे. दिलेल्या क्रमांकावर केवळ अवैध धंद्यांच्याच तक्रारी स्वीकारल्या जाणार आहे. नागरिकांना जिल्ह्यात काही अवैध घटनाची माहितीसाठी या क्रमांकावर तक्रार करता येणार आहे. तक्रार करताना घटना कोठे, कधी, काय याचा तपशील द्यावा, असे आवाहन देखील जिल्हाधिकारी मांढरे यांनी केलेले आहे. जिल्ह्यातील अवैध धंदे बंद होण्यासाठी जिल्हाधिकारी सूरज मांढरे यांच्या अध्यक्षतेखाली प्रशासनातील सर्व विभागांची समन्वय बैठक झाली होती. या बैठकीत झालेल्या निर्णयानुसार समन्वय कक्षाची स्थापना करण्यात आली असून या समन्वय कक्षमार्फत सर्व विभागांत समन्वय साधला जाणार आहे.

हेही वाचा > ह्रदयद्रावक; आजोबांना दोन घास दिल्याचे समाधान घेऊनच नात झाली देवाला प्रिय, दसऱ्याच्या दिवशीच हळहळ

या कक्षाचे प्रमुख समनव्यक म्हणून अपर जिल्हादंडाधिकारी भागवत डोईफोडे असतील. गुन्हे शाखेचे पोलीस उपायुक्त संग्रामसिंह निशानदार, सहायक पोलीस अधीक्षक शर्मिष्ठा वालावलकर, राज्य उत्पादन शुल्क विभागाचे उपअधिक्षक बिसन भूतकर, जिल्हा गुणवत्ता नियंत्रण निरीक्षक के.एम.वीरकर, सहायक प्रादेशिक परिवहन अधिकारी हेमंत हेमाडे, जिल्हा पुरवठा अधिकारी अरविंद नरसिकर, जिल्हा खनिकर्म अधिकारी आनंद पाटील, वनपरिक्षेत्र अधिकारी विवेक भदाणे, अन्न व औषध निरीक्षक चंद्रकांत मोरे, अमित रासकर हे या समन्वय कक्षाचे सदस्य असतील.

हेही वाचा >  पिंपळगावच्या टोमॅटोचा देशभरात डंका! सव्वाचारशे कोटी शेतकऱ्यांच्या पदरात 

या कक्षात नागरिकांकडून आलेल्या केवळ अवैध धंद्यांबाबतच्याच तक्रारी नोंदवले जातील आणि संबंधित विभागाच्या ई-मेलवर तसेच संबंधित विभागाच्या अधिकाऱ्यांकडे तक्रार तात्काळ कार्यवाहीसाठी पाठविली जाईल. संबंधित विभाग दिलेल्या काळात त्या तक्रारींवर कार्यवाही करून समन्वय कक्षाच्या ई मेल वर कार्यपूर्ती अहवाल पाठवतील. -सूरज मांढरे जिल्हाधिकारी