Covid Center in Nashik is being closed nashik marathi news 
नाशिक

बिटको, डॉ. झाकिर हुसेन वगळता सर्व कोविड सेंटर बंद; रुग्ण दाखल न करण्याच्या सूचना 

विक्रांत मते

नाशिक : कोरोना रुग्णांसाठी उभारलेल्या पाच कोविड सेंटरपैकी डॉ. झाकिर हुसेन व नवीन बिटको रुग्णालय वगळता सर्व सेंटर बंद करण्याचा निर्णय पालिकेच्या वैद्यकीय विभागाने घेतला असून, क्रेडाईच्या माध्यमातून उभारलेल्या ठक्कर डोम कोविड सेंटरमध्ये अवघे आठ रुग्ण दाखल असल्याने नवीन रुग्णांची भरती करण्यास बंदी घातली आहे. त्यामुळे येत्या आठ दिवसांत तेदेखील सेंटर बंद होणार आहे. 

ठक्कर डोम येथील सेंटर बंद..

एप्रिल महिन्यात शहरात कोरोनाचा पहिला रुग्ण आढळला. त्यानंतर टप्प्याटप्प्याने रुग्णसंख्येत वाढ होत गेली. मेअखेरपर्यंत नियंत्रणात असलेला कोरोना जूननंतर मोठ्या प्रमाणात फैलावला. ऑगस्ट, सप्टेंबरमध्ये मागचे सर्व रेकॉर्ड तोडले. ऑक्टोबरमध्ये मात्र कोरोनाचा आलेख खालावला. मे महिन्यात कोरोनाचा प्रादुर्भाव वाढू लागल्यानंतर महापालिकेने डॉ. झाकिर हुसेन रुग्णालय, नाशिक रोड येथील नवीन बिटको रुग्णालय, नाशिक-पुणे महामार्गावरील समाजकल्याण, मेरी येथील वसतिगृह, ठक्कर डोम येथील कोविड सेंटरमध्ये एक हजार ५२५ बेडची व्यवस्था केली; परंतु ऑगस्ट व सप्टेंबरमध्ये रुग्णसंख्या वाढल्यानंतर खाटा मिळत नसल्याने खासगी रुग्णालयांमधील ८० टक्के खाटा अधिग्रहीत करताना तब्बल चार हजार ३४९ पर्यंत खाटांची संख्या पोचविली. ७२ खासगी रुग्णालये कोविड सेंटर म्हणून जाहीर करण्यात आली. सध्या महापालिका, शासकीय व खासगी रुग्णालयांमध्ये शंभरच्या आत रुग्ण उपचार घेत आहेत. एकूण आरक्षित खाटांपैकी ९५ टक्क्यांपेक्षा खाटा रिक्त असल्याने खासगी रुग्णालयांमधील आरक्षित खाटा रद्द करण्याची मागणी होत आहे. यापूर्वी समाजकल्याण व मेरी येथील कोविड सेंटर बंद करण्यात आले आहे. आता ठक्कर डोम येथील सेंटर बंद करण्याचा निर्णय घेण्यात आला. 

७३ रुग्णांवर उपचार 

ठक्कर डोम कोविड सेंटरमध्ये आठ, तर नवीन बिटको ३५ व झाकिर हुसेन रुग्णालय कोविड सेंटरमध्ये ३० कोरोना रुग्ण उपचार घेत आहेत. कमी जोखीम असलेल्या बहुतांश कोरोना रुग्णांवर घरात उपचार केले जात आहेत. दरम्यान, सरकारी कोविड सेंटर बंद होत असताना शहरातील खासगी रुग्णालयांमधील राखीव खाटांवरील आरक्षण हटविण्याची मागणी रुग्णालयाकडून होत आहे. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Stock Market Closing: शेअर बाजार लाल रंगात; सेन्सेक्स-निफ्टी मोठ्या घसरणीसह बंद, कोणते शेअर्स वाढले?

Sanjay Shirsat: अंबादास दानवेंनी लावलेली आग अन् फडणवीसांनी केलेला गेम, संजय शिरसाट कसे फसले?

Beed Baby News: मृत घोषित केलेलं बाळ रात्रभर दुर्लक्षित; दुसऱ्या दिवशी बॅगमध्ये टाकून नेलं, कुदळ सापडेना म्हणून झाला उशीर अन्...

तेजश्री प्रधानच्या झी मराठीवर दिसण्यावर स्टार प्रवाहच्या सतीश राजवाडेंची थेट प्रतिक्रिया; म्हणाले, 'ती नायिका आधी...

IND vs ENG 3rd Test: जो रूटचे विक्रमी शतक! भारतासमोर मजबूत भिंतीसारखा राहिलाय उभा; राहुल द्रविड, स्टीव्ह स्मिथचा विक्रम मोडला

SCROLL FOR NEXT