मालेगाव : शहरात बुधवारी (ता.२२) आणखी दोन कोरोनाबाधितांचा जीवन हॉस्पीटलला उपचार सुरू असतांना मृत्यु झाला.  यामध्ये नयापूरा भागातील ४५ वर्षीय पुरूष व हाजी अहमदपूरा येथील ४९ वर्षीय महिलेचा समावेश आहे. शहरात ९६ कोरोनाधित रूग्ण असून मृतांची संख्या आता १० झाली आहे. आज मुत्यु झालेल्या  पुरूषाला मधुमेहचा त्रासही जाणवत होता. तीन दिवसापूर्वी त्यांनी येथे दाखल करण्यात आले होते. दरम्यान मंगळवारी रात्री उशिरा आलेल्या अहवालात दोन जण कोरोना पॉझिटिव्ह मिळून आले. यात एक साठ वर्षीय महिला व एका आठ वर्षीय शाळकरी मुलीचा समावेश आहे. 

वाढती रूग्णसंख्या व मृत्युमुळे हादरला जिल्हा
जिल्हाधिकारी सुरज मांढरे यांनी आज घटना व्यवस्थापक म्हणून अपर जिल्हाधिकारी निलेश सागर यांची नियुक्ती केली. पाठोपाठ घरेघरी सर्वेक्षणासाठी आरोग्य विभागासह चाळीस अधिकारींची व पथकाची नियुक्ती केली आहे. वाढती रूग्णसंख्या व मृत्यु यामुळे जिल्हा हादरला आहे. रूग्णसंख्या आटोक्यात येण्याची चिन्ह दिसत नसल्याने रमजानसारख्या सणावर कोरोनाचे काळे सावट आहे. शहरवासीयांनी यातून बोध घेवून शासनाच्या सुचनांचे पालन करावे, घरी रहावे. अन्यथा नवीन विभागात हा संसर्ग वाढण्याची भिती आहे.

हेही वाचा > एक सुशिक्षित डॉक्टर अन् तान्ह्या जुळ्या मुलांची आई आणि आत्महत्या??? गूढ काय?

हेही वाचा > नियतीचा क्रूर डाव! शाळेला सुट्टया म्हणून तलावाकडे गेलेल्या चिमुरड्याची आली अशी बातमी..कुटुंबियांचा आक्रोश