नाशिक : जिल्ह्यातील मध्यम-गंभीर कुपोषित बालकांसह तीव्र गंभीर कुपोषित बालकांची संख्या तब्बल ३६९ ने घटली आहे. याचे श्रेय अंगणवाडीसेविका व मदतनिसांना दिले पाहिजे, असे मत जिल्हा परिषद महिला व बालकल्याण सभापती अश्‍विनी आहेर यांनी व्यक्त केले.

तीव्र गंभीरचा आकडा १९५ ने कमी

जिल्हा परिषदेच्या महिला व बालकल्याण समितीची सभा सभापती अश्‍विनी आहेर यांच्या अध्यक्षतेखाली नुकतीच झाली. सभेस सदस्यांसह प्रकल्प अधिकारी मोठ्या संख्येने उपस्थित होते. बैठकीत ग्रामीण व आदिवासी भागातील स्तनदा, गर्भवती स्त्रिया व पोषण आहार वाटपाचा आढावा घेण्यात आला. जिल्ह्यात जुलैअखेर मध्यम गंभीर असे तीन हजार ८८३, तर तीव्र गंभीर स्वरूपाचे ९०५ बालके होती. मात्र ऑक्टोबरअखेर मध्यम गंभीर मुलांच्या संख्येत घट झाली असून, तो आकडा तीन हजार सातशे नऊपर्यंत म्हणजे १७४ नेमकी झाला असून, तीव्र गंभीरचा आकडा १९५ ने कमी झाल्याकडे समितीने लक्ष वेधले आहे. 

हेही वाचा > ह्रदयद्रावक; आजोबांना दोन घास दिल्याचे समाधान घेऊनच नात झाली देवाला प्रिय, दसऱ्याच्या दिवशीच हळहळ

हेही वाचा >  पतीनेच चोरीचा बनाव करत गरोदर पत्नीला संपविले; सासऱ्याची जावयाविरुध्द तक्रार