नाशिक : यंदा दसऱ्यानंतर झेंडूच्‍या फुलांना दिवाळीतही जोरदार मागणी असल्याने जादा दरांनी ग्राहकांना फूल खरेदी करावे लागले. लक्ष्मीपूजनाच्‍या पूर्वसंध्येला शुक्रवारी (ता.१३) झेंडूची फुले पाचशे ते सातशे रूपये जाळी तर किरकोळ स्‍वरूपात दीडशे ते दोनशे रूपये शेकडा दराने फुलांची विक्री झाली. 

दसऱ्याप्रमाणेच दिवाळीतही झेंडूला चांगले दर

दिवाळी‍साठी, लक्ष्मीपूजनाला कार्यालय, वाहनासह वास्‍तू पूजा केली जाते. दाराबाहेर तोरण लावले जात असते. मागणीच्‍या तुलनेत आवक कमी असल्‍याने दसऱ्याप्रमाणेच दिवाळीतही झेंडूला चांगले दर लाभले. लक्ष्मीपूजनाच्‍या पूर्वसंध्येला शहर परीसरात रविवार कारंजा, रविवार पेठ, अशोक स्‍तंभ, गोदाकाठ तसेच कॉलेज रोड, गंगापूर रोड, द्वारका अशा उपनगरीय भागांतही झेंडूची झळाळी वाढली होती. शुक्रवारी (ता.१३) सकाळी फारशी आवक नसल्‍याने दरांनी उसळी घेतल्‍याने सातशे ते आठशे रूपये जाळी या दराने झेंडू फुलांची विक्री झाली. तर दुपारनंतर आवक वाढल्‍याने थोडीशी घसरण जाणवली. सायंकाळी उशीरा शेकड्याला दीडशे ते दोनशे रूपये भाव होता. तर झेंडू फुलांची जाळी पाचशे ते सातशे रूपये या दराने विक्री होत होती. 

हेही वाचा > मामा होता म्हणून भाची सहीसलामत! अक्षरश: मृत्यूच्या दाढेतून खेचून आणले भाचीला

शेतकरी समाधानी 

सणानिमित्त झेंडूच्‍या दरात वाढ झालेली असतांना, समाधानकारक भाव मिळाल्‍याने शेतकऱ्यांची दिवाळी गोड झाली. शहराजवळील खेड्यांहून शेतकरी वाहन करून फुल विक्रीसाठी नाशिकला दाखल झाले होते. चांगले दर मिळाल्‍याने त्यांच्या चेहेऱ्यावर समाधान होते.  

हेही वाचा > मित्राला सोडायला गेलेल्या दोघांचा दुर्दैवी अंत; ऐन दिवाळीत कुटुंबांवर दु:खाचा डोंगर