नाशिक : देशातील विविध भागांतून निजामुद्दीन (दिल्ली)ला धार्मिक कार्यक्रमासाठी मरकजसाठी जमलेले तबलिकी नागरिक कोरोनाच्या संशयावरून शोध घेण्याचे काम अंतिम टप्प्यात आले आहे. बुधवारी (ता. 1) दुपारपर्यंत जिल्हा प्रशासनाला जिल्ह्यातील 32 जण ट्रॅक करण्यात यश आले. 

अनेक तबलिकी बांधवांना कोरोनाची लागण
दिल्लीतील कार्यक्रमात सहभागी झालेल्या अनेक तबलिकी बांधवांना कोरोनाची लागण झाल्याचे पुढे आले आहे. त्यानंतर दिल्लीतील मरजकला सहभागी झालेल्यांचा देशात शोध सुरू झाला असून, यात नाशिक जिल्ह्यातून मोठ्या संख्येने नागरिक सहभागी झाले असल्याचे पुढे आले आहे. केंद्रीय यंत्रणेकडून माहिती मिळाल्यानंतर तातडीने सकाळपासून जिल्हा प्रशासनाने जिल्ह्यात मरकजला सहभागी झालेल्यांचा शोध सुरू केला. यात भीतीचे वातावरण निर्माण होऊ नये याची दक्षता घेत, प्रशासनाने बुधवारी दिवसभरात सहभागी झालेल्यांचा शोध घेत पहिल्यांदा त्यांना वैद्यकीय तपासणीसाठी ताब्यात घेतले. वैद्यकीय तपासणीचा अहवाल येईपर्यंत त्यांना क्वारंटाइन करण्यात येणार आहे.

हेही वाचा > धक्कादायक! दाम्पत्य दिवसभर घरातच बसायचे अन् रात्री घराबाहेर फिरायचे...कस्तुरबा रुग्णालयातील नर्सचे इगतपुरी कनेक्‍शन..

शोध घेण्याचे प्रशासनापुढे आव्हान
तसेच त्यात कुणाला लागण झाल्याचे निष्पन्न झाल्याचे आढळल्यास थेट रुग्णालयात क्वारंटाइन केले जाणार आहे. दिल्लीतील सहभागी लोक आणखी कुणाकुणाच्या संपर्कात आले याचा शोध घेण्याचे प्रशासनापुढे आव्हान आहे. दरम्यान, मंगळवारी (ता. 31) व बुधवारी (ता. 1) पाठविलेल्या आणखी दोन जणांचे अहवाल प्राप्त झाले असून, ते दोन्ही अहवाल निगेटिव्ह असल्याचे प्रशासनाकडून सांगण्यात आले. 

हेही वाचा > लॉकडाउन दरम्यान पहाटे संशयास्पद कंटेनरला पोलीसांनी अडवला...झडती घेतली तेव्हा धक्काच!