नाशिक : रशिया-युक्रेनमधील युद्धाच्या भडक्यामुळे रासायनिक खताच्या टंचाईचे ढग जमा होऊ लागले आहेत. त्यामुळे शेतकऱ्यांनी बाजारात मुबलक प्रमाणात उपलब्ध असलेल्या खताच्या साठा आगामी खरीप हंगामाच्या पार्श्‍वभूमीवर करून ठेवावा, असे जिल्हा अधीक्षक कृषी अधिकारी विवेक सोनवणे (Vivek Sonawane) यांनी म्हटले आहे.

खताचा तुटवडा होणार असल्याने किमती वाढण्याची शक्यता अधिक आहे. सर्वाधिक खतांची देशात आयात केली जाते. युद्धामुळे त्याचा फटका देशाला बसण्याची शक्यता नाकारता येत नाही. त्यामुळे ऐन खरीप हंगामात खताचा तुटवडा भासू नये म्हणून शेतकऱ्यांनी आवश्‍यक तेवढी खते खरेदी करून ठेवावीत, असे कृषी विभागातर्फे ( Department Of Agriculture ) स्पष्ट करण्यात आले आहे.