राज्यभरातील कृषी उत्पन्न बाजार समितीच्या निवडणुकीचे निकाल हाती येत असून, काही ठिकाणी अंतिम निकाल स्पष्ट होतं आहेत. अशातच पिंपळगाव बसवंत बाजार समिती निवडणुकीच्या दरम्यान मतमोजणी वेळी रिकाऊटींगच्या मुद्द्यावरून माजी आमदार अनिल कदम व यतीन कदम यांच्यात वाद झाला आणि त्याचे रूपांतर हाणामारीमध्ये झालं आहे.

अपक्ष उमेदवार यतीन कदम आणि माजी आमदार अनिल कदम आमनेसामने आल्याचे दिसून आले. यांच्या समर्थाकांमद्धे मोठा राडा झाल्याचं दिसून आलं. यावेळी गर्दी पांगवण्यासाठी पोलिसांना सौम्य लाठीचार्ज देखील करावा लागला आहे.

मतमोजणी दरम्यान हा राडा झाला आहे. अतिरिक्त पोलिसांना याठिकाणी बोलावण्यात आलं आहे. दोन्ही बाजूचे कार्यकर्ते एकमेकांवर धावून गेले. मोठ्या प्रमाणावर पोलिस उपस्थित होते मात्र तरीही हा राडा झाला आहे. आणखी गोंधळ होऊ नये म्हणून अतिरिक्त पोलिसांना बोलवण्यात आलं आहे.

पिंपळगाव बाजार समिती निवडणुकीत फेर मतमोजणीच्या मुद्द्यावरून अपक्ष उमेदवार यतीन कदम आक्रमक झाल्याचं पाहायला मिळालं.

माजी आमदार अनिल कदम यांचे स्वीय सहायक नितीन निकम यांच्यावर यतीन कदम धावून गेल्याने हमरीतुमरीवर गोष्ट आली. त्यामुळे मतमोजणी केंद्रात काही काळ गोंधळ उडाल्याचे पाहायला मिळाले. बंदोबस्तावरील पोलिसांनी तत्काळ घटनास्थळी धाव घेत परिस्थिती नियंत्रणात आणली.