नाशिक : शहरातील चव्हाण कॉलनीमधील परीच्या बागेत सायंकाळी फेरफटका मारणाऱ्या 11 जणांविरोधात संचारबंदी आदेशाचे उल्लंघन केल्याप्रकरणी गुन्हा दाखल झाला. ही कारवाई नाशिक महिला निर्भया पथकाने केली. 

असा घडला प्रकार
कोरोनाचा प्रादुर्भाव रोखण्यासाठी देशभरात संचारबंदी लागू आहे. त्या अनुषंगाने नाशिक शहरातही नागरिकांना विनाकारण घराबाहेर पडण्यास मनाई आहे. तरीही काही नागरिक परिसरातील रिकाम्या जागेत, उद्यानात, सकाळी व सायंकाळी फिरण्यासाठी घराबाहेर पडत असल्याचे चित्र आहे. पोलिसांकडून वारंवार सूचना दिल्या जात आहेत. तरीही आदेशाचे पालन न करणाऱ्यांविरोधात संचारबंदीचे उल्लंघन केल्याप्रकरणी आतापर्यंत दोन हजारांवर कारवाई केली. 

संचारबंदी आदेशाचे उल्लंघन केल्याप्रकरणी गुन्हा दाखल

सरकारवाडा पोलिस ठाण्याच्या हद्दीतील चव्हाण कॉलनीत परीचा बाग हे उद्यान आहे. या उद्यानात सायंकाळी परिसरातील नागरिक वॉक करण्यासाठी येत असल्याची गोपनीय माहिती निर्भया पथकाच्या महिला पोलिस उपनिरीक्षक नेहा सूर्यवंशी यांना मिळाली. त्यानुसार निर्भया पथकाने पाहणी केली. त्या वेळी 13 महिला-पुरुष वॉक करताना सापडले. 11 जणांविरोधात संचारबंदी आदेशाचे उल्लंघन केल्याप्रकरणी सरकारवाडा पोलिसांत गुन्हा दाखल झाला. 

हेही वाचा > संतापजनक! कोरोनाबाधित रूग्णाचा अंगावर थुंकण्याचा प्रकार..अँम्ब्युलन्स चालकाला मारहाण

VIDEO : जेव्हा विश्वास नांगरे पाटलांना आदेश मिळतो "तुम्ही बाहेर सीपी असाल, पण इथले 'एसीपी' आम्ही आहोत"!