Nashik Crime News : बनावट अगरबत्ती विकणाऱ्या एकास पोलिसांनी ताब्यात घेतले असून त्याच्याकडून सुमारे पावणेतीन लाखांचा मुद्देमाल हस्तगत करण्यात आला आहे. (Fake incense seller arrested nashik crime news)

संशयित योगेश निवृत्ती कापुरे (४०, रा. पाथर्डी फाटा) हा आशिका इसेंस या अगरबत्ती बनवणाऱ्या कंपनीची बनावट अगरबत्ती बनवून विक्री करताना आढळून आला.

त्याच्याकडून पोलिसांना आशिका इंसेस या कंपनीची अगरबत्तीचा बनावट माल व चारचाकी वाहन (एमएच- १५ एफव्ही- ५९०१) असा एकूण दोन लाख ७९ हजार ५०० रुपयांचा मुद्देमाल आढळून आला.

हेही वाचा : Credit Card फसवणूक....काय घ्याल काळजी?

याप्रकरणी कंपनीचे मालक महम्मद इसरार महम्मद इस्लाम शेख (रा. मालाड मुंबई) यांनी दिलेल्या फिर्यादीनुसार अंबड पोलिस ठाण्यात गुन्हा दाखल करण्यात आला आहे.