नाशिक : मनःशांती, सकारात्‍मक ता हे सारे पौरोहित्‍यातून मिळाले तसेच याचा आरोग्‍यावर योग्‍य परिणाम झाला, असे अपर्णा चिंधडे यांनी ‘सकाळ’ शी संवाद साधताना त्‍यांच्या पौरोहित्‍याच्या प्रवासाविषयी अनुभव मांडले.

अपर्णा चिंधडे यांचे माहेर पुण्याचे, सासर नाशिक इंदिरानगर येथील. मनःशांतीसाठी यासाठी शेजारच्या काकूंनी विष्णुसहस्रनाम पठण करण्याविषयी सुचविले असता, शास्त्रशुद्ध पद्धतीने हे शिकून घेण्याचे ठरविले व वयाच्या चाळीशीनंतर म्‍हणजेच २०११ मध्ये त्‍यांनी जयश्री कुलकर्णी यांच्याकडे पौरोहित्‍य वर्गात प्रवेश घेतला. (Female rule in Priesthood aparna chindhade nashik latest marathi news)

यानंतर ५ वर्ष राणी भवन येथे शिक्षण पूर्ण केले. पुढील शिक्षणासाठी त्‍यांनी श्रीमती दुगल आणि साने गुरुजींचे मार्गदर्शन मिळाले. पौरोहित्य शिकताना त्यांना जाणवले, की आपल्याही नकळत विचारांमध्ये एक प्रकारची सकारात्मकता येते. स्वभावात खूप पालट होतो. मन आणि स्वभाव शांत होतो.

स्वरांसहित शास्त्रोक्त आणि शुद्ध सुक्तपठण करताना आपल्या शरीरावरदेखील चांगला परिणाम दिसून येतो. सुक्तपठण हा एक प्रकारचा प्राणायामच आहे. त्यामुळे जेवढे शास्त्रशुद्ध पठण होईल, तेवढा चांगला परिणाम दिसून येतो. तसेच, त्यांना घरातून पूर्णपणे पाठिंबा मिळाला. मुलांवर या साऱ्याचा सकारात्‍मक परिणाम झाला.

वातावरण शुद्धी, प्रसन्नता आपोआप येते. पौरोहित्‍य करताना यजमानांची मिळणारी सकारात्‍मक व समाधानाची पावती यामुळे मन आनंदी होते. नित्‍य पठणाने येणारी अनुभूती छान असते, तसेच समस्‍येवरही उपाय यामुळे सहजरित्‍या गवसतात. भगवंत हा आपल्‍यातच आहे, फक्‍त त्‍याला ओळखून आर्ततेने हाक दिली पाहिजे, असे त्यांनी सांगितले. त्‍यांच्या भागातील महिलांचे ते वर्गही घेतात.