सिडको (जि.नाशिक) : वडाच्या झाडावर नायलॉन मांजामध्ये अडकलेल्या घुबडास मुक्त करून जीवदान देण्यात आले. अग्निशमन दलाला घटनेची माहिती मिळतात घटनास्थळी दाखल होत जवानांनी लाकडी बांबूच्या साह्याने घुबडाला सुखरूप बाहेर काढले. (fire brigade rescue owl stuck in nylon net nashik news)

बुधवारी (ता. १८) सिडकोतील दक्षिणमुखी हनुमान मंदिराजवळील एका वडाच्या झाडावर नायलॉन मांजामध्ये घुबड अडकल्याची माहिती नागरिकांनी अग्निशामन दलाला दिली

अग्निशमन दलाचे रवींद्र लाड, रवींद्र आमले, वाहनचालक इस्माईल काझी त्वरित घटनास्थळी दाखल होत संजय गाडेकर यांनी झाडावर चढून आकडी बांबूच्या मदतीने नायलॉन मांजामध्ये अडकलेल्या घुबडाला सुखरूप बाहेर काढून जीवदान दिले.

घुबडाला नायलॉन मांजामुळे किरकोळ दुखापत झाली होती. अग्निशमन दलाच्या जवानांनी जखमी पक्ष्याला उपचारासाठी प्राणीमित्र यांच्याकडे सोपविले.

हेही वाचा : मेडिकल मॅनेजमेंटही हृदयविकारावर ठरु शकते उपाय