नाशिक : मालेगाव परीसरात कोरोनाचा फैलाव वाढत चालला आहे. मंगळवारी (ता.14) सायंकाळपर्यंत प्राप्त सर्व 46 अहवालांत संबंधित रूग्णांना कोरोनाची लागण झालेली नसल्याने काहीसा दिलासा मिळाला. परंतु सायंकाळी उशीरा प्राप्त अहवालांपैकी पाच रूग्णांना कोरोनाची लागण झाल्याने निदर्शनात आले आहे.

मालेगावमध्ये आणखी पाच कोरोना पॉझिटीव्ह

मालेगाव परीसरात कोरोचा प्रादुर्भाव वाढत चालला आहे. यापूर्वी धुळे येथे उपचारादरम्यान मृत्य युवतीला कोरोना झाला असल्याने मंगळवारी (ता.14) सकाळी प्राप्त अहवालातून निष्पन्न झाले होते. यानंतर दुपारी बाराच्या सुमारास प्राप्त बारा अहवाल निगेटीव्ह आले होते. त्यापाठोपाठ दुपारी प्राप्त झालेले 31 अहवालदेखील निगेटीव्ह आल्याने मालेगावसह नाशिक जिल्ह्यातील नागरीकांना काहीसा दिलासा मिळाला होता. परंतु सायंकाळी उशीरा प्राप्त झालेल्या दहा अहवालांपैकी पाच जणांना कोरोनाची लागण झाली असल्याने निष्पन्न झाले आहेत. यापैकी दोन महिला व तीन पुरूष आहेत. हे सर्व पाच बाधित यापूर्वी कोरोनाची लागण झालेल्या रूग्णांच्या नजीकच्या संपर्कातील व्यक्‍ती आहेत. व या पाचही व्यक्‍तींना यापूर्वीच प्रशासनातर्फे क्‍वारंटाइन करण्यात आले होते. त्यामूळे त्यांच्या संपर्कात कुठलीही अन्य व्यक्‍ती न आल्याने कोरोनाला अटकाव घालण्यात यश आलेले आहे. त्यामूळे पोलिस प्रशासनातर्फे मालेगाव व परीसरावर लक्ष केंद्रित करून कोरोना उच्चाटनासाठी प्रयत्न केले जात आहेत.

हेही वाचा > धक्कादायक! रागाच्या भरात 'त्याचे' हात देखील थरथरले नाही...बायकोला तर पेटवलंच अन् स्वत:देखील...

39 रूग्णांवर उपचार सुरू
जिल्ह्यात आतापर्यंत एकूण 41 कोरोना बाधित रूग्ण आढळून आलेले आहेत. त्यापैकी एकाचा मृत्यू झाला असून, एकाला कोरोनामुक्‍त करण्यात आरोग्य यंत्रणेला यश आलेले आहे. मंगळवारी (ता.14) पाच नवीन बाधित रूग्ण वाढल्याने आता जिल्ह्यात 39 रूग्णांवर मालेगाव व नाशिक येथे उपचार सुरू आहे. यापैकी तीन नाशिक, एक सिन्नर, एक चांदवड व उर्वरित मालेगाव येथील आहेत.

हेही वाचा > मुलाला उच्चशिक्षित करण्याची 'त्यांची' इच्छा अपूर्णच...काळ असा आला की...मुलगाच