नाशिक : गेल्या आठवड्यात दुबईतून नाशिकमध्ये आलेले पाच जण बुधवारी (ता. 11) जिल्हा रुग्णालयातील कोरोना विषाणू विलगीकरण कक्षात दाखल झाले आहेत. यातील दोघांना आडगाव वैद्यकीय महाविद्यालयात हलविण्यात आले आहे. दरम्यान, मंगळवारी (ता. 10) दाखल झालेल्या 23 वर्षीय युवतीचा कोरोना चाचणीचा अहवाल निगेटिव्ह प्राप्त झाल्याने तिच्यासह आईलाही घरी सोडण्यात आले आहे. सध्या शहरात परदेशातून आलेल्या 30 जणांची नियमित आरोग्य चाचणी घेतली जात आहे. 

ते पाच जण सिव्हिलमध्ये...
बुधवारी जिल्हा रुग्णालयात दोन दांपत्यांसह एक वृद्धा, असे पाच जणांना दाखल करण्यात आले. हे पाचही जण दुबईतून नाशिकमध्ये आले आहेत. त्यांना सर्दी, खोकला जाणवू लागल्याने खबरदारी म्हणून तातडीने जिल्हा रुग्णालयात दाखल केले. त्यांच्या घशातील स्त्राव पुणे येथील प्रयोगशाळेत पाठविण्यात आले आहे. त्यांचे वैद्यकीय अहवाल गुरुवारी (ता. 12) मिळण्याची शक्‍यता आहे. तर दाखल झालेल्या एका दांपत्याच्या विनंतीनुसार त्यांना आडगाव येथील वैद्यकीय महाविद्यालयात हलविण्यात आले असून, जिल्हा रुग्णालयातील कोरोना विशेष कक्षामध्ये वृद्धेसह दांपत्य असे तिघे दाखल आहेत. corona

क्लिक करा > VIDEO :...अन् जवानाचे पॅराशूट अडकले बाभळीच्या झाडावर...मग...

हेही वाचा > लग्न जमण्याच्या आधीच 'दोघांना' भेटणं पडलं चांगलच महागात...!