नाशिक : सुरगाणा येथे बँकेत आंदोलक महिलांसह गेलेले तत्कालिन आमदार जीवा पांडू गावित यांनी बँक मॅनेजरच्या श्रीमुखात लगावली होती.

याप्रकरणी दाखल गुन्ह्यात गावित यांना जिल्हा सत्र न्यायालयाने तीन हजार रुपयांच्या दंडाची शिक्षा ठोठावली आहे. (Former MLA JP Gavit punished for bank manager beaten up case at surgana Nashik Crime)

२०१२ मध्ये महिला बचत गटासंदर्भात आंदोलक महिलांसह तत्कालीन आमदार जे.पी. गावित हे बँकेत गेले होते. त्यावेळी बँकेचे मॅनेजराच्या श्रीमुखात त्यांनी मारले होते.

याप्रकरणी सुरगाणा पोलिसात सरकारी कामात अडथळा आणल्याप्रकरणी गुन्हा दाखल करण्यात आला होता. सदरील प्रकरणाचा खटला जिल्हा व सत्र न्यायालयाच्या न्या. श्रीमती मृदुला भाटिया यांच्यासमोर चालला.

सरकार पक्षातर्फे सरकारी वकील ॲड. सचिन गोरवाडकर यांनी युक्तीवाद करीत १० साक्षीदार तपासले. यात माजी आमदार गावित हे दोषी निष्पन्न झाले. त्यानुसार, न्यायालयाने गावित यांच्यासह तिघांना प्रत्येकी तीन हजार रुपयांच्या दंडाची शिक्षा ठोठावली आहे