नाशिक : कोरोना साथरोगावर उपाययोजनांसाठी शासनाने जिल्हा नियोजन विभागाने कोरोनावर खर्च केलेल्या सुमारे इतक्या खर्चाचा अहवाल मागविला आहे. नियोजन विभागाने जिल्हा रुगणालय व जिल्हा परिषद आरोग्य विभाग या दोन्ही यंत्रणांकडून अहवाल मागविला आहे.

खर्चावर मर्यादा

कोरोनाच्या पार्श्‍वभूमीवर शासनाने यंदाच्या आर्थिक वर्षात सर्वच विभागांच्या खर्चावर मर्यादा आणल्या आहेत. यंदा कोणत्याही नवीन योजना व नवी कामे हाती घेतली जाणार नसल्याचे यापूर्वीच स्पष्ट केले आहे. याशिवाय राज्यभरातील जिल्ह्यांच्या वार्षिक नियोजन आराखड्याला कात्री लावत केवळ ३३ टक्के निधीच देण्याची तयारी केली आहे. हा निधी देतानाही त्यात कोरोनाशी निगडित बाबींवर अधिकधिक खर्च करण्याचे निर्देश सरकारने प्रशासनांना दिले आहेत. कोरोना नियंत्रणासाठी सगळ्याच यंत्रणा व्यस्त असल्या तरी, त्यांना दिलेल्या निधीच्या खर्चाचा सविस्तर अहवाल सादर करण्याच्या सूचना संबंधित यंत्रणांना देण्यात आल्याची माहिती नियोजन विभागाने दिली.

हेही वाचा > आश्चर्यच! लग्नानंतर दहा वर्षांनी दाम्पत्याला लागली लॉटरी...एक सोडून तिघांची एंन्ट्री!

यासाठी दिला होता निधी

जिल्ह्यात कोरोनाबाधितांची संख्या वाढतच आहे. नाशिक शहरात रुग्णांच्या वाढीचा आलेख चढाच आहे. कोरोनाला अटकावासाठी प्रशासकीय स्तरावर विविध उपाययोजना सुरू आहेत. त्यासाठी नियोजन विभागाने सुमारे चार कोटी ६९ लाखांचा निधी जिल्हा रुग्णालय व जिल्हा परिषदेच्या आरोग्य विभागाला व्हेंटिलेटर, पीपीई किट, औषधे तसेच इतर वैद्यकीय उपकरणांच्या खरेदीसाठी दिला होता.

हेही वाचा > भरदुपारी चिमुकल्यावर बिबट्याचा हल्ला; परिसरात खळबळ