नाशिक / मालेगाव : दगडू ऑइल मिलच्या भिंतीच्या आडोशाला 'त्यांना' लपवलं होतं. आणि याची कुणकुण पोलीसांना लागली. त्यानंतर पोलीसांनी मिल परिसरात अचानक धाड टाकली आणि झाला खुलासा...

असा घडला प्रकार

शहरातील नागछाप झोपडपट्टी भागातील दगडू ऑइल मिलच्या भिंतीच्या आडोशाला त्यांना' लपवलं होतं. आणि याची कुणकुण पोलीसांना लागली. त्यानंतर पोलीसांनी मिल परिसरात अचानक धाड टाकली आणि धक्कादायक खुलासा झाला. बुधवारी (ता.१५) सकाळी सव्वासातच्या सुमारास उपअधीक्षक रत्नाकर नवले यांच्या कार्यालयातील कर्मचाऱ्यांनी छापा टाकून गोवंश हत्याबंदी असताना कत्तलीसाठी आणण्यात आलेली ५४ हजार रुपये किमतीची चार जनावरे जप्त केली. फजलू (पूर्ण नाव समजू शकले नाही) याने कत्तलीसाठी ही जनावरे आणल्याची माहिती पोलिसांना मिळाली. फजलू फरारी असून, पोलिस त्याचा शोध घेत आहेत.

हेही वाचा > आयुक्तांची रात्री उशिरा रुग्णालयात एंट्री...चौकशीत मोठा खुलासा...नेमके काय घडले?

गुन्हा दाखल

अपर पोलिस अधीक्षक संदीप घुगे यांच्या मार्गदर्शनाखाली नवले यांच्या आदेशान्वये पोलिस नाईक साजिद शेख, इम्रान सय्यद, सचिन थोरात, काळू माळी, सचिन बेदाडे आदींनी ही कारवाई केली. फजलूविरुद्ध माळी यांच्या तक्रारीवरून शहर पोलिस ठाण्यात गोवंश हत्या सुधारणा कायदा व प्राणी संरक्षण कायद्यान्वये गुन्हा दाखल करण्यात आला आहे.  

हेही वाचा > हायटेक सल्ला पडला महागात; दोन एकरांतील ऊस जळून खाक...नेमके काय घडले?