नाशिक / मालेगाव : शहरातील कोरोनाबाधित रूग्ण व म्रुतांची संख्या दिवसेंदिवस वाढत असल्याने, राज्य शासनाने मालेगाव शहरासाठी विशेष उपाययोजना करण्याची गरज निर्माण झाली आहे. बुधवारी (ता.22) आणखी दोन कोरोनाबाधितांचा जीवन हाँस्पीटलला उपचार सुरू असतांना तर दोन संशयीतांचा सामान्य रूग्णालयात म्रुत्यु झाला. एकाच दिवसात चौघांच्या मृत्युने शहरात खळबळ उडाली आहे. तत्पूर्वी मंगळवारी रात्री उशिरा आलेल्या अहवालात दोन कोरोना पॉझिटिव्ह आढळून आले. 

मृतांची संख्या बारा. मालेगावात खळबळ
आज (ता.२२) झालेल्या मृतांमध्ये नयापूरा भागातील 45 वर्षीय पुरूष व हाजी अहमदपूरा येथील 49 वर्षीय महिलेचा समावेश आहे. ज्या दोन संशयितांचा मृत्यु झाला ते बेलबाग भागातील असून, 32 व 45 वर्षीय आहे. वैद्यकीय अधिक्षक डॉ. किशोर डांगे यांनी यास दुजोरा दिला. दोघा संशयीतांचे स्वँब घेण्यात आले आहे. अहवालानंतर नेमके कारण स्पष्ट होईल. शहरातील कोरोना बाधित रूग्णांची संख्या 96 झाली असून, मृतांची संख्या बारा झाली आहे. आज मुत्यु झालेल्या पुरूषाला मधुमेहचा त्रास होता. तीन दिवसापूर्वी त्यांना जीवन हाँस्पीटलला दाखल करण्यात आले होते. दरम्यान मंगळवारी रात्री उशिरा आलेल्या अहवालात दोन जण कोरोना पाँझिटिव्ह मिळून आले. यात एक साठ वर्षीय महिला व एका आठ वर्षीय शाळकरी मुलीचा समावेश आहे. 

हेही वाचा > एक सुशिक्षित डॉक्टर अन् तान्ह्या जुळ्या मुलांची आई आणि आत्महत्या??? गूढ काय?

वाढती रूग्णसंख्या व मृत्यु यामुळे जिल्हा हादरला
प्रशासन कोरोनाचा संसर्ग रोखण्यासाठी विविध उपाययोजना करत आहे. मात्र वाढती रूग्णसंख्या व मृत्यु यामुळे जिल्हा हादरला आहे. अंत्यवस्थ स्थितीत व अखेरच्या टप्प्यात रूग्ण दाखल होत असल्याने आरोग्य यंत्रणा हतबल झाली आहे. संपर्कातील व संशयीतांनी तातडीने रूग्णालयात दाखल व्हावे असे आवाहन आयुक्त किशोर बोर्डे यांनी केले आहे. रूग्णसंख्या आटोक्यात येण्याची चिन्ह दिसत नसल्याने रमजान सारख्या सणावर कोरोनाचे काळे सावट आहे. शहरवासीयांनी यातून बोध घेवून शासनाच्या सुचनांचे पालन करावे, घरी रहावे. गर्दी टाळावी, सोशल डिस्टन्सिंगचे पालन करावे, अन्यथा नवीन विभागात हा संसर्ग वाढण्याची भिती आहे.

हेही वाचा > धक्कादायक! "पुढच्या जन्मी आपण एकाच आईच्या पोटी जन्म घेऊ"..चिठ्ठीत कोरोनाची भीती अन्‌ नैराश्‍य ​