नाशिक : भोंदूबाबाची फेसबुकवर जाहिरात पाहिली. कौटुंबिक समस्या दूर करण्यासाठी पूजाविधी केला जात असल्याची माहिती जाहिरातीमध्ये देण्यात आली. आणि तिच जाहीरात पाहून युवकालाही वाटले कि आता आपल्या जीवनातील कष्ट कायमचे संपतील, या आशेने तो चांगलाच फसला...

काय घडले नेमके?

पीडित युवक सचिन परमार याने संशयित भोंदूबाबाची फेसबुकवर जाहिरात पाहिली. कौटुंबिक समस्या दूर करण्यासाठी पूजाविधी केला जात असल्याची माहिती जाहिरातीमध्ये देण्यात आली. संपर्कासाठी कानपूर, आर्यनगर येथील आचार्य सतीश अवस्थी असे नाव व त्यापुढे मोबाईल क्रमांक दिला होता. युवकाने त्यांच्याशी संपर्क साधला. सर्व अडचण दूर करण्यासाठी विशेष पूजाविधी करावा लागेल, असे सांगत त्याने खात्यामध्ये काही रक्कम टाकण्यास सांगितली. ९ नोव्हेंबर २०१९ ते १० मार्च २०२० पर्यंत वेळोवेळी कधी एक हजार पाचशे, कधी तीन हजार, दहा हजार अशी एकूण ५० हजारांची रक्कम ऑनलाइन खात्यावर टाकली. इतके करूनही काहीएक फरक पडला नाही. युवकाने पूजाविधी केल्याचा व्हिडिओ किंवा ध्वनिफीत व्हॉट्सॲपवर टाकण्यास सांगितले.

हेही वाचा > ह्रदयद्रावक; आजोबांना दोन घास दिल्याचे समाधान घेऊनच नात झाली देवाला प्रिय, दसऱ्याच्या दिवशीच हळहळ

५० हजारांचा फटका; भद्रकाली पोलिसांत तक्रार

त्यानंतर त्याने युवकाचा मोबाईल क्रमांक आणि व्हॉट्सॲप क्रमांक दोन्ही ब्लॉक करून टाकले. फसवणूक झाल्याचे लक्षात आल्याने भद्रकाली पोलिसांत तक्रार दिली. भोंदूबाबाच्या आमिषाला बळी पडत अंधश्रद्धेच्या आहारी गेलेल्या युवकाला ५० हजारांचा फटका बसल्याचा प्रकार उघड झाला. युवकाने भोंदूबाबाविरुद्ध भद्रकाली पोलिसांत तक्रार दाखल केली. 

हेही वाचा >  पिंपळगावच्या टोमॅटोचा देशभरात डंका! सव्वाचारशे कोटी शेतकऱ्यांच्या पदरात