सिडको (जि. नाशिक) : ‘सकाळ’ च्या माध्यमातून सिडको परिसरातील विविध उद्यानांच्या समस्या मांडण्यात येत असून या मुळे उद्यान विभागास खडबडून जाग आली असून उद्यानास सुशोभीकारणास चालना मिळत आहे. (Garden beautification begins Garbage bins toys being repaired Nashik News)

हेही वाचा : Love Jihad: प्रेमाला धर्म आहे...?

उद्यानातील कचरा गोळा करून उद्यानात जाळण्याऐवजी घंटागाडीमध्ये टाकण्यात येत आहे. उद्यानातील तुटलेल्या खेळणी दुरुस्त करून बालगोपाल यांना त्याचा लाभ घेता येणार आहे. काही ठिकाणी रात्रीची पोलिसांची गस्त सुरु झाली असल्याचे स्थानिक रहिवासीयांमधून सकारात्मक प्रतिक्रिया उमटत आहेत.

"‘सकाळ’ मध्ये आमच्या परिसरातील राजमाता जिजाऊ क्रीडासंकुल उद्यान समस्याची बातमी प्रसिद्ध झाल्यानंतर सकाळी साडेदहा वाजेच्या सुमारास उद्यान विभागाच्या वतीने घंटागाडी पाठवून येथील कचरा उचलण्यास सुरवात करण्यात आली आहे."-जया रडके, गृहिणी

"राणाप्रताप चौकातील महाराणा प्रताप उद्यानाची समस्या बातमी दैनिक सकाळ मध्ये प्रसिद्ध झाल्यानंतर दुसऱ्या दिवशी सूर्य पश्चिम दिशेस तर उगवला नाही ना, असे चित्र बघावयास मिळाले. उद्यानात स्वच्छता मोहीम राबवण्यात तर आलीच मात्र उद्यानातील मैदानावर पाणी देखिल मारण्यात आले."- लता भांबरे, गृहिणी